柯煒林澄清無入院稱食標靶藥現副作用

娛樂

2025年8月12日星期二

prevnext

【明報專訊】柯煒林早前透露患肺腺癌第四期，正接受標靶藥治療，需按身體狀况決定能否演出舞台劇《笨蕉大劇院》。日前他亮相舞台劇首演謝幕，感謝觀眾鼓勵，表示會再踏舞台表演給大家看。柯煒林昨日在社交平台貼出手指夾着儀器的照片，寫道：「我打算將所有診所同醫院當去迪士尼咁玩。」隨即惹網民猜測他入醫院。

柯煒林之後再上載戴口罩照片，發文稱自己「玩大咗」，被誤以為入院，他急澄清：「我無入院，今（昨）日係覆診見醫生，抽血做檢查。我上個post意思係我會將每次入診所或者入醫院都當入遊樂場嘅心態去面對。」柯煒林報告近况：「𠵱家剩係食標靶藥做治療，行得走得食得瞓得，已經唔會咳，可以唞大啖氣，舒服咗好多，把聲仲未完全返嚟，但都逐漸逐漸好緊。副作用開始嚟，不過handle到，係有時候會好眼瞓。」

柯煒林承認目前心情有時好好、有時好差、一時堅強、一時脆弱，「其實同你一樣，就係咩情緒都有，仲學緊同嚿麻煩嘢共存，會笑，會喊，更懂得感受，感覺之後做戲會用得着。總之唔使太擔心，我有你哋係背後撐住，我無事」。

娛樂組

相關字詞﹕柯煒林