瞄準後生仔嘅數據與娛樂綑綁套餐
csl 今次嘅「Go! Chill」唔係單純賣數據，而係一個 「數據 + 娛樂 + AI 科技」 嘅組合包。最大賣點係，只要喺 2026 年 2 月 28 日 前透過 csl 網店攜號轉台，就可以享「雙倍本地數據」，而且仲包含年輕人最常用嘅串流平台同最新潮嘅 AI 工具，一個月費可以滿足哂你多個願望。
兩個 Plan 點揀好？
計劃主要分兩檔，都係需要簽訂 24 或 36 個月合約。選擇邊個，好視乎你日常有幾「耗數據」。
每月 $98 計劃，可以話係「入門 Chill 之選」。攜號轉台後，你會擁有 60GB 本地數據，對於大部分日常用嚟社交、睇片、打機嘅用家，只要唔係瘋狂下載或長期直播，通常都夠用。另外有 3GB 中國內地及澳門數據，間中北上玩一兩日嘅朋友，用嚟搵路、Call 車同支付都 OK。呢個 Plan 最抵玩之處，係用少於 $100 嘅月費，就包攬咗後面會提到嘅一堆娛樂服務。
至於每月 $138 計劃，就係為「數據需求大戶」或「娛樂重度使用者」而設。120 GB 本地數據基本上可以令你唔使就住就住，任性地睇高清片甚至分享熱點。4GB 內地澳門數據亦讓北上行程更鬆動。如果你自問係數據黑洞，或者成日同朋友分享網絡，直上呢個 Plan 會安心好多。
除咗數據，你仲可以得到啲咩？
呢個 Plan 最吸引嘅地方，可能並唔係數據本身，而係跟 Plan 送嘅一系列服務禮遇。佢唔係試用，而係實實在在嘅服務期，計返條數都值唔少錢。
Perplexity Pro AI 服務一年係最具話題性嘅贈品。Perplexity 係一個 AI 搜尋引擎，Pro 版本一般需要付費訂閱。送一年服務，等於讓你免費體驗最新嘅 AI 工具幫手搵資料、總結資訊，非常切合學生同年輕上班族需要。而 Viu 升級會員 Lite 服務對於追開韓劇、亞洲綜藝嘅朋友就係必需品，升級會員可以搶先睇、免廣告，變相慳返自己訂閱嘅費用。再加上 Now TV 指定組合同 MOOV 音樂服務，基本上你嘅影、音娛樂需求都被覆蓋。雖然未必係最頂級組合，但作為免費附加價值，絕對係加分項。將以上服務嘅市場價值粗略加起，每月都可能價值近百元。所以個 Plan 某程度上可以理解為：你用市價買咗一堆娛樂同 AI 服務，csl 就「送」一個龐大數據嘅 5G 計劃俾你。
申請前必須 Check 清楚
面對咁豐富嘅優惠，一定要冷靜睇清條款，呢度日日提你幾點。
首先，年齡與證明白紙黑字。此計劃嚴格限定申請人必須未滿 30 歲，並需要出示有效香港身份證或護照作證明。如果你剛過 30 歲生日，就無緣享受啦。其次，渠道與合約期限制。要享受「雙倍數據」優惠，必須透過 csl 5G 網店 辦理 攜號轉台，並且需要簽訂 24 或 36 個月 嘅承諾期。合約期唔短，決定前要考慮自己未來幾年會否有變動。最後，禮遇發放方式。如條款所示，手機禮券等獎賞會於服務啟用後，發放到 csl App 內嘅「我的錢包」，記得要啟用服務後自己去查看同使用。
