【明報專訊】菊梓喬昨日舉行生日粉絲派對，預祝本月24日迎來39歲，約100名粉絲出席，她笑道：「最後一個3字頭，之後就20對了。今年有很多事情發生，但都OK，原打算正日舉行，因當日要到韶關工作，開工度過，已5年以上冇搞生日會。」菊梓喬表示生日願望身體健康、開開心心、青春常駐及賺好多錢。問想不想快點結婚嫁人？她說：「別人話30歲前結婚，都過咗啦！冇諗喇，現在車尾都掹唔到。」
何時公開戀情？菊梓喬說：「等我有錢先，我欠缺金錢，有錢先可以照顧對方，如果搵到個人照顧我所有生活所需，覺得壓力好大，要先有能力，才畀到幸福人，從小沒有習慣被照顧，加上之前遇到5個渣男，真係嚇親，畀到幸福人先公開啦！」問現階段究竟是拍拖還是單身？她說：「我唔急做任何嘢，𠵱家好開心，唔想搞到人，加上大家成日提嗰個人又係同行，唔好影響所有嘢。」緋聞男友吳保錡早前隔空唱生日歌送她，菊梓喬說：「咁搞笑？我冇睇，他沒有送生日禮物給我，其實唱生日歌不送生日禮物好奇怪。」最想收到什麼生日禮物？她稱現金，「因為佢（吳保錡）未必知道我鍾意什麼，不想他浪費金錢，不如畀錢我自己買」。她透露曾收到最不喜歡的禮物是粉絲送上另一名女歌手的歌迷會紀念品，「唔記得係Gin Lee（李幸倪）定泳兒，真的不想收這份禮物，不過都唔會嬲」。
記者：林祖傑
相關字詞﹕吳保錡 菊梓喬（Hana）
Comments are closed, but trackbacks and pingbacks are open.