Gemini 消息！ 香港連線支援 「個人化智能服務」，到底有乜用-ePrice.HK

服務重點：串連常用 App 進行推理

呢個「個人化智能服務」（Personal Intelligence）可以安全咁連結 Gmail、YouTube 同埋 Google 搜尋等應用程式入面嘅資料。佢最犀利嘅地方係可以喺複雜嘅資訊入面做推理，並由電郵等地方搵出細節嚟答問題。通常佢會結合文字同影片資訊，提供最貼心嘅答案。例如當你想睇返東京旅行嘅安排，Gemini 唔單止會幫你喺 Gmail 搵返啲機票同酒店資料，仲會根據你喺 YouTube 睇過嘅食評片嚟推薦餐廳，成個流程完全唔使喺幾個 App 之間轉嚟轉去。

私隱保障：用戶話事

喺設計「個人化智能服務」嘅時候，Google 將私隱擺喺首位。所有 App 嘅連結功能預設係關閉嘅，用戶一定要自己手動開啟，亦都可以隨時熄咗佢。雖然 Gemini 會參考用戶嘅內容嚟提供回覆，但 Google 係會先將對話入面嘅個人資料過濾或者模糊化（Obfuscate）。用戶可以隨時要求 Gemini 解釋資訊來源，或者糾正佢嘅回應。如果想講啲比較敏感嘅話題，用戶仲可以用「臨時對話」（Temporary chats）嚟確保唔會留低紀錄。

免費仔要等等

而家呢項體驗正逐步開放畀香港合資格嘅 Google AI Plus、Pro 同埋 Ultra 訂閱者，預計之後會推廣到免費仔用戶。無論係用網頁版、Android 定係 iOS，只要去「設定」入面開啟「個人化智慧」，就可以開始試用呢個新功能。

最新新聞