追星族有福！vivo X300 FE 香港登場　用一半價錢玩到蔡司演唱會神器-ePrice.HK

售價接近減半

vivo 喺今年四月推出 X300 Ultra 之後，呢部機被大批樂迷封為「演唱會神器」，大受追捧。而家 vivo 香港趁住呢股熱潮，推出定位更易上去嘅 vivo X300 FE，建議零售價 HK$6998，差唔多係 vivo X300 Ultra 嘅一半，令更多有興趣嘅用家都可以輕鬆上車。

鏡頭配置

講到最核心嘅攝影配置，vivo X300 FE 採用三枚 5000 萬像素嘅蔡司鏡頭，其中長焦鏡頭用上 Sony IMX882 超大感光元件，具備 3 倍光學變焦能力，配合精密潛望式結構，就算係演唱會常見嘅逆光或者快速移動嘅場景，都可以清晰捕捉偶像每個精彩瞬間。仲可以配搭 vivo 蔡司增距鏡 Gen 2，達到等效 200mm 嘅遠攝效果，好似坐喺前排咁近距離睇show，絕對係追星族嘅秘密武器。

人像攝影方面，X300 FE 嘅蔡司全焦段人像涵蓋 23mm 至 100mm 五個焦段，自動幫你平衡膚色同質感；仲有閃光人像功能，由 23mm 到 100mm 智能調節閃燈輸出，就算夜晚影相都可以拍出自然又立體嘅人像效果，唔需要識任何打光技巧。
 

手機性能

機身性能方面同樣唔輸蝕，vivo X300 FE 採用 Qualcomm Snapdragon 8 Gen 5 旗艦處理器，CPU 效能較上代大幅提升 36%，NPU 更提升 46%。電池容量達 6500 mAh，支援 90W 有線及 40W 無線閃充，唔使擔心「電量焦慮」。機身淨係重 191g，厚度 7.99mm，加上 IP68 及 IP69 防水防塵同 SGS 五星抗摔認證，日常出街或者戶外活動都可以安心使用。AI 功能方面，新機搭載 OriginOS，內置近 30 款 AI 視覺效果，仲預載 Gemini Live 智能助理，語音加視覺功能一齊用，做到真正嘅即時貼身助理體驗。

幾時開賣

vivo X300 FE 提供雅霧紫及奢華黑兩款顏色，呢兩日香港正式發售。喺指定期間於指定經銷商購買，仲可以免費獲得「180 天只換不修服務」，同可以優惠價加購「12 個月碎屏保」。

最新新聞