左定坤 (Cho Ting Kwan) 2026-06-05 11:03 | Huawei
8500 大電池仲有神奇功能
HUAWEI nova 15 Max 係今年 5 月初喺泰國曼谷先發佈，而家終於輪到香港用家買到國際版行貨。呢部 nova 15Max 延續 nova 系列「活力、年輕、時尚」嘅品牌形象，喺電池、攝影、防護同影音體驗等各方面都有認真嘅升級。講到最吸引嘅地方，首先係 8,500mAh 超大電池，主打超長續航，唔使成日擔心電量不足，仲支援反向充電，必要時可以幫其他設備充電。機身採用玄甲材質，通過 SGS 五星跌落防護認證，達到 IP65 防塵抗水標準，日常撞撞碰碰都唔太怕。
大芒護眼 靚聲 靚攝
顯示屏方面，HUAWEI nova 15 Max 配備 6.84 吋 OLED 護眼全面屏，支援 2160Hz 高頻 PWM 調光，長時間睇片或者狂掃社交媒體都唔咁傷眼。攝影方面，主鏡頭係 5,000 萬像素 RYYB 超感光設計，喺黑暗或者逆光嘅情況下都可以拍到色彩真實、清晰靚麗嘅相片。音效上，機身配有對稱式雙立體聲揚聲器，聲場超過 90°，睇片聽歌有話咁易嘅沉浸感。機側仲有 X-Button 智控鍵，一按就可以叫出常用功能，加埋內置嘅隱私中心同安全中心，保護私人資料都做得到位。
香港發售資訊
HUAWEI nova 15 Max 香港會有晨曦金同曜金黑兩個顏色，8GB + 256 GB 版本建議售價係 $2288，即日起喺指定零售商同運營商有售，包括 HUAWEI 香港網上商店、HUAWEI 沙田新城市廣場體驗店、HUAWEI 九龍灣德福廣場體驗店，以及 1010、csl.、3HK、3SUPREME、SmarTone、中國移動香港等渠道。買機優惠方面，凡喺指定零售商及運營商購買香港澳門原廠行貨，即送 HUAWEI Scale 3 智能體脂磅（建議零售價 $199）一件，同埋 HUAWEI Care+（一年期），包括首年不限次意外損壞保障及電池煥新服務。優惠數量有限，換完即止，有興趣嘅朋友要快手。
