北上注意：鴨聊佳幾日中國使用數據卡，突又設限不能在中國啟動-ePrice.HK

講起中國移動香港旗下嘅鴨聊佳 ，相信經常去內地短期旅行或者公幹嘅朋友都唔會陌生。以往呢張卡最受歡迎嘅地方，除咗係平、靚、正」外，最緊要係夠晒方便——買完放喺袋，過完關、坐高鐵到咗內地，隨手插卡就即刻上到網，完全唔需要任何事前步驟。

喺 2026 年 6 月中旬， 版主分享過話，雖然 CMHK 之前公佈全線儲值卡喺內地唔開得，但其實幾款短途嘅 鴨聊佳大陸漫遊卡（即係 2 天、 3 天版本）依然可以喺內地直接開通，大讚短途北上無影響。點知事隔無幾耐，官方政策又再大轉彎，完美示範咩叫朝令夕改！

官方新玩法： 8985224 開頭神卡一定要喺香港激活

根據最新流出嘅零售指引，中國移動香港已經落實咗新安排。由即時起，所有 ICCID 卡號係以「 8985224 」開頭嘅鴨聊佳儲值咭，即 2 / 3 / 8 / 15 / 30 天版，其激活機制已經全面收緊，客戶必須喺香港本地完成啟用！

如果大家唔想買完張卡之後用唔到，就一定要跟實以下呢個實際操作指引：

1. 香港本地插卡：大家過關之前，一定要喺香港境內將張鴨聊佳插入手機（要留意：這幾款鴨聊佳本身係不支持實名登記嘅）。

2. 等等等：插卡之後，請耐心等待 30 至 60 秒，等個系統自動辨識。

3. 收到 SMS 先算成功：當大家部手機收到系統發出嘅確認提示 SMS 信息，就代表張儲值卡已經成功激活。呢個時候，大家先可以安心過關，去到大陸先可以正常上網。

版主預測：其他 MVNO 電訊商恐會跟大隊

其實除咗中國移動香港之外，我哋喺 6 月 25 日亦有報導指出，另一間中國電信國際 CTexcel 亦開始跟隨呢項政策，要求中國漫遊儲值卡必須在香港先啟動。呢個趨勢反映出電訊商，因為中國大陸對SIM卡操控的政策變動，唯有透過將激活限制在香港本地網絡來進行第一關嘅控制。因此，版主估計，未來其他租用 CMHK 網絡嘅 MVNO ( 移動虛擬網絡運營商 ) 品牌，甚至其他電訊商同類型嘅內地漫遊卡，都好大機會陸續「跟大隊」實施相同政策。以後在港開卡、離港漫遊將會成為北上專用儲值咭嘅使用新狀態常態。

最新新聞