SoSIM 推外籍家庭傭工副卡！$33 用 360 日-ePrice.HK

左定坤 (Cho Ting Kwan) 2026-07-06 15:28 | 3 香港

版主直觀覺得，好多外籍家庭傭工，都有自己嘅巨量數據計劃。但作為僱主，有乜計，可以用最平嘅方案，出一張副卡俾佢哋，保障「姐姐」私隱，亦有一個家庭快線，方便大家溝通。SoSIM 最近有一個身份證字頭「W」字朋友嘅優惠 Plan，可以講係外籍家庭傭工專用，出卡費 $33，用足差不多一年，可以打電話，仲可以保持用 WhatsApp 等通訊程式溝通。一齊了解一下。

只有外籍傭工才能用

呢個計劃，普通香港人申請唔到，一定要身份證字頭「W」字。「W」字頭身份證可以代表佢係一個外籍家庭傭工，即係你家中的「姐姐」，用佢哋身份證號碼，就可以開卡後申請免費嘅「外籍傭工優惠」，包括 360 日／100GB 社交數據及歡樂通宵數據。100GB 社交數據包括 Facebook、Instagram、WhatsApp、LINE、WeChat 及 Signal，而歡樂通宵數據，即係由每晚十一點至早上七點，無限任用數據，最高速度為 22Mbps。此外，亦包括 20,000 通話分鐘。

而開卡首 30 日，一樣有 50GB 42Mbps 速度數據及 1,500 通話分鐘。本身 SoSIM 開卡有 120 日有效期，但開啟「外籍傭工優惠」就會多加 360 日有效期，換句話說，$33 就可以用足差不多一年，有基本社交數據，夜晚姐姐休息前，可以睇睇劇，休息一下。一如以往，SoSIM 可以去百佳及屈臣氏購買，亦有 eSIM 提供。