- 7 款大電池手機推介
分區列表
左定坤 (Cho Ting Kwan) 2026-09-18 13:36 | Apple
外觀一齊睇
先睇機身正面，iPhone 18 Pro 系列同上一代相比，最容易睇得出嘅分別就係螢幕頂部嘅「動態島」窄咗好多。上代 17 系列嗰個藥丸形開孔長度較長，而今代明顯縮短咗一段。之所以可以做到呢個視覺效果，主要係因為品牌將部分感測器放咗喺螢幕面板下方，令到螢幕表面唔需要再為感測器預留咁大嘅開孔位。
外觀方面，今代加入咗全新嘅紅色版本，實機顏色偏向棗紅，唔會過分鮮艷，上手質感男女用家都相當合適。機背依舊保留三鏡頭配置，鏡頭擺位同上代 17 Pro Max 差唔多。機身按鍵配置亦維持原樣，右側配備電源掣同快門掣，依然支援左右滑動變焦同撳落去影相；左側有動作按鈕、音量掣同 SIM 卡槽，底部同樣係 Type-C 插槽同喇叭位。
▲ iPhone 18 Pro Max 動態島
▲ iPhone 17 Pro Max 動態島
相機有升級
相機功能方面，今次主鏡頭迎來幾關鍵嘅升級。用家唔需要特登切換模式，喺普通影相介面就已經可以用到唔同嘅手動控制，例如手動調節快門速度、白平衡同風格濾鏡。同時，主鏡頭首度加入實體調整光圈功能，提供自動、f/1.4、f/1.8、f/2.8 同埋 f/4.0 檔位畀用家選擇。喺暗黑環境用大光圈可以增加進光量令相片更清晰，影大合照時調到 f/4.0 就可以保持前後排都清楚。錄影方面亦支援智慧焦點追蹤同電影效果模式。至於系統入面提到嘅「Apple 參考影像」AI 功能，用作辨識相片有冇經過修圖，目前需要等 Siri AI 正式推出之後先可以用得到。規格效能方面，新機改用 A20 Pro 處理器，GPU 部分升級至 7 核心。喺電池續航表現上，以影片播放時間計算，上一代 Pro Max 為 37 個小時，今代提升到 43 個小時，續航力足足多咗 6 個鐘。
小結
iPhone 18 Pro 系列透過將感測元件隱藏至螢幕下方，解決咗動態島佔用顯示空間嘅問題，加上主鏡頭加入實體可變光圈，令手機拍攝創作具備更高嘅靈活性。
▲ 更詳細試玩，立即睇片。
