【明報專訊】姜濤前晚在亞博舉行第5場個人騷，獻唱《DUMMY》後，原本緊接演繹《鏡中鏡》，不過現場突然跳電。姜濤冷靜處理，先對監製說他的耳機無聲，聽不到監製講什麼，台上的舞蹈員保持彎腰、跪地等姿勢，他叫眾人先起身，「冇音樂接唔到落去，我哋綵排都冇吖……呢個唔係整蠱嚟嘛？」姜濤走近台邊了解原因，獲告知場館跳電，然後笑說：「所以我耳機冇聲係啱嘅，咁考我臨場反應喎！都跳（電）得啱時候，完成咗一首歌先跳。」
搶修8分鐘期間，姜濤走近觀眾傾偈兼大合照，坐在台邊近距離與觀眾閒聊，問粉絲：「食咗飯未？」有觀眾問他有沒有打邊爐？姜濤未及回答便被告知回復正常，繼續演出。基於安全起見，前晚取消坐吊臂裝置環節，姜濤臨時首度獻唱新歌《你要倔強》。他事後在社交網貼出唱新歌片段，留言：「毫無準備的情况下接生這一胎，人生最特別的一個冬至，祝大家冬至快樂，新的一年繼續倔強。」
難忘衛蘭贈書代祈禱
衛蘭擔任前晚嘉賓，跟姜濤合唱《大哥》。姜濤解釋邀請衛蘭，因年前在音樂人Edward Chan（陳浩然）作品展相遇，「你（衛蘭）嗰時畀咗一本書我，同埋幫我祈禱呢件事，令我好surprise，我未試過有呢個感受」。衛蘭表示想跟姜濤分享信仰，低潮時跟神的關係，希望幫助他。姜濤透露這半年來有嘗試跟神溝通，當時衛蘭的輕微舉動對他有幫助，感恩支持。
娛樂組
相關字詞﹕衛蘭 姜濤演唱會 姜濤