Edan豪言《金多寶》票房3億 穿三角泳褲找數 回應揸咪剪影照：總之勁啦
【明報專訊】MIRROR成員呂爵安、鍾雪瑩和李尚正昨日到銅鑼灣街頭快閃宣傳賀歲片《金多寶》，吸引過百粉絲到場支持，要警察維持秩序。3人表示票房目標「幾億」，李尚正稱1億著三角褲；呂爵安說3億著三角泳褲。另一賀歲片《夜王》，由黃子華與鄭秀文主演，以大量女演員性感掛帥，呂爵安盼觀眾兩套都支持，自爆於《金多寶》赤膊上陣，露肉鏡頭不比《夜王》少。大會原安排3人派發六合彩彩票利市送粉絲，呂爵安為免造成混亂沒參與，受訪後立即上車離開。
記者：林祖傑
攝影：鍾偉茵
呂爵安、鍾雪瑩和李尚正等主演賀歲片《金多寶》2月13日搶閘上映。問呂爵安準備了多少金額派利市？他笑道：「開了金多寶大家就知道。」3人異口同聲說票房目標「幾億」。如何谷票房？李尚正稱1億著三角褲，呂爵安不甘示弱：「3億，我著三角泳褲，基本啦！目標定高啲。」
另一賀歲片《夜王》由黃子華與鄭秀文主演，並以大量女演員性感掛帥，呂爵安認為兩套都好睇，難得香港有兩套賀歲片，希望大家支持，笑稱《金多寶》演員造型比《夜王》的演員更少布，「我們都有好多露肉鏡頭，不止我上半身赤裸，小朋友和隻狗都冇著衫，勁過嗰邊，嗰邊有著衫」。
揸咪剪影成熱話 呂：總之勁
呂爵安今日29歲生日，稱生日願望《金多寶》票房高一點，透露會在工作中度過生日，胞妹小如豬已和他吃生日飯，大呻對方不讓他影惜惜相。日前有網民上載他在生日活動拿咪的剪影照片，隨即引起熱話，劍擊男子花劍「世一」蔡俊彥搞笑留言：「呂假狗」、「係好奇怪，邊有咁大」。呂爵安反擊「蔡小鳳」、「似你把劍咁幼咩」，二人隔空互窒。呂爵安笑言：「以後會小心啲擺支咪，與他的對話是牙骹戰，大家不用作準。」是否合符商品說明條例？他說：「首先我冇說明我嘅商品，私隱嘢唔透露太多，總之勁啦！」呂爵安多謝粉絲捐款在柬埔寨建立以他命名的公廁，大讚有心思、創意及善心，十分驚喜，希望有朝一日到當地拍節目，有機會去打卡。
姜濤起程到巴黎時裝周
ViuTV近日重整架構，管理層有調整，呂爵安認為對大家是好的影響，多些人手幫忙絕對是好事。有傳隊友姜濤約滿「轉會」，他笑謂：「轉會去歐聯？只是空穴來風，不知傳聞怎樣傳出來，據我所知沒有這回事。」倘姜濤「轉會」屬實，可擔心MIRROR會解散？呂爵安說：「佢真係簽第二間，就祝福佢先啦！但真係冇聽過呢件事，大家不用太擔心。」
因「轉會」傳聞連日成話題人物的姜濤，前晚起程到巴黎時裝周，大批姜糖（粉絲暱稱）送機，姜濤心情輕鬆邊行邊向粉絲揮手，未停步受訪。
■更多娛樂猛料 ﹕ol.mingpao.com