即時港聞
2026年1月3日星期六
prevnext
嗇色園黃大仙祠歷時近十個月嘅月老殿重建工程已全面竣工，今日中午12點舉行重光揭幕典禮，為咗進一步弘揚月老文化，嗇色園將會喺今年2月14日嘅西方情人節，以及農曆正月十五嘅元宵節（3月3日）舉辦主題活動，並推出一系列文創產品。
文創產品包括「心月之約手繩」、「情侶皮手繩」、「姻緣美滿冰箱貼」、「月老姻緣簿造型公仔」、「月亮心心公仔」、黃大仙祠同財神宮主題冰箱貼。嗇色園主席黎澤森話，希望可以令呢份關乎「緣份」嘅美好信仰，以更豐富同親切嘅方式傳承以及弘揚。
相關字詞﹕嗇色園 黃大仙祠 編輯推介 情人節