- 你要知的 iPhone 16 Pro 新功能
分區列表
左定坤 (Cho Ting Kwan) 2024-11-13 11:54 | 手機綜合區
一招教你實現 iPad 通話功能
要實現 iPad 通話功能，令 iPad 都可以成為一部「手機」，最平只需 $38 就得。只要買張叫做「全港通 4G+ 電話儲值卡」，網店價 $38，內附 $48 儲值額，每 30 日會扣除 $2 行政費。買完卡之後需要先做實名登記，可以 scan 身份證做認證又得，亦可以用「智方便」App 進行實名登記，後者可以即時完成登記，唔使等，即時可以使用，而前者則需要人工審核，稍為需時。
而呢張 SIM 卡特別之處係，當你用完之後，就唔需要插落電話都可以繼續使用。只需要下載「DIRECT-TX」App (iOS / Android)，輸入返你張 SIM 卡個電話號碼，透過 SMS 驗證碼登入，就可以透過呢個 App 去打電話同埋收 SMS，變相只要你喺 iPad 登入返呢個 App，即使係 WiFi 版嘅 iPad，都一樣可以實現打出打入。另外，呢張 SIM 有一個殺手鐧，就係無論任何地方打電話返香港，都只係 $0.1 / 分鐘，變相可以慳返 IDD 國際漫遊費用。就算你打電話返大陸、日本、韓國、澳門，都一樣得，不過收費就會有差別，介乎 $0.6 / 分鐘至 $1.7 / 分鐘不等。
另外，呢張 SIM 另有 $98 儲值額可以選用，網店價 $68，有效期為 180 日，如果想延長有效期，可以購買增值券儲值，$50 券可以延期 90 日，而 $100 券可以延期 180 日。唔知大家對呢張 SIM 又有無興趣呢？按呢度可以睇下超譯儲值卡嘅通話實測。
按呢度有購買連結