- 你要知的 iPhone 16 Pro 新功能
分區列表
左定坤 (Cho Ting Kwan) 2024-11-27 16:46 | 手機綜合區
AIRSIM 儲值卡推出泰國真無限 5G 數據計劃
AIRSIM 最近全新推出咗「泰國 dtac 全無限 5G 數據計劃」，有 5 天、7 天以及 9 天三個選擇，計劃價錢分別為 $88、$118 以及 $138，話明「全無限」，其實即係我哋平時講開嘅「真無限」，並無任何公平使用政策，對於成日鍾意去旅行去 live 睇片煲劇嘅網友嚟講，真無限 Plan 絕對係你嘅選擇，唔使好似「泰國 AIS MAX 計劃」咁，每日用完 1GB 就會限速至 384kbps 速度。另外，而家開通計劃仲會送 30 分鐘 AIRTALK 通話分鐘，方便你去到外地都可以接聽香港電話，以及可致電香港、泰國等多個地區。
AIRISM 儲值卡全面支持5G網絡，而且適用於全球 130 多個地區，所以除咗泰國，仲可以喺大多數地區享受高速上網體驗。而呢張卡另一個賣點就係可以循環使用，買一次，可以多次使用，唔洗次次都要去買新嘅SIM卡，相當方便！
有甚麼地方需要注意呢？
001：數據計算是以香港時間 00:00:00 至 23:59:59 為一天，不足一天亦以一天計算，即係就算你 23:59 開卡，用完 1 分鐘唔夠都會當成用咗一日，所以如果你係比較夜先到達泰國，建議你如非必要都過咗 12 點先開卡。
002：除咗可以喺 AIRSIM 官網購買新卡，你亦可以在多個經銷商或銷售地點購買，詳情可按這裡了解更多。