- Gemini 八個重點你要知
分區列表
左定坤 (Cho Ting Kwan) 2026-04-27 14:58 | 網絡消息
AI Agent 手機 2028 年面世
郭明錤指出，OpenAI 目前正同聯發科以及 Qualcomm 合作開發專用嘅手機處理器，而立訊就會擔任獨家嘅系統協力設計同製造商，預計呢款新世代 OpenAI 品牌的 AI Agent 手機會喺 2028 年正式量產。
AI Agent 手機 vs 智能手機
OpenAI 認為 AI agent 將會重新定位手機嘅存在價值。未來用戶嘅目的唔再係開啟一大堆 App，而係直接透過手機執行任務嚟滿足各種需求，呢種諗法從根本上推翻咗目前大眾對手機嘅認知。OpenAI 決定親自跳入嚟做硬件，主要係因為只有完全掌控作業系統同硬件，先可以提供全面性嘅 AI agent 服務。同時，手機係目前唯一可以即時掌握用戶所有當下狀態嘅裝置，呢啲資訊對 AI 即時推論嚟講係最關鍵嘅輸入。
雲端同裝置端 AI 雙配合
喺技術規格方面，呢款手機將會高度整合雲端同裝置端嘅 AI。處理器嘅設計重點會放喺點樣持續理解用戶文、耗電控制、以及記憶體分層管理，至於比較複雜或高強度嘅運算需求，就會交由雲端 AI 去處理。OpenAI 嘅優勢在於佢強大嘅消費端品牌影響力、多年累積嘅用戶數據，以及領先全球嘅 AI 模型。商業模式上，OpenAI 好大機會將訂閱制同硬件綑綁銷售，並建立一個全新嘅 AI agent 生態圈同開發商合作。
2027 年第一季有規格定案
對於供應鏈嘅影響，聯發科同 Qualcomm 預計會喺 2026 年底或 2027 年第一季決定最終規格。郭明錤提到，以聯發科同 Google 合作嘅 TPU Zebrafish 為例，單粒 AI 晶片嘅營收潛力非常之大，若果初期鎖定全球每年 3 至 4 億部嘅高階機種，換機潮將會成為強勁嘅營運動能。
至於立訊，無論佢哋喺 Apple 供應鏈入面點樣努力，組裝地位都好難超越鴻海。所以今次同 OpenAI 嘅合作對立訊嚟講意義非凡，令佢哋可以透過提前佈局，喺下一個手機世代成為領先嘅受益者。
來自：郭明錤 X 帳戶