好快又到七月一日，公眾假期無論你想北上消費，或者短 Trip 澳門、東南亞，都要漫遊數據！中國聯通香港嘅 eSIM App CUniq Go 做緊推廣，有免費體驗包！免費申領有 500MB 數據。呢啲 Data 全球 80 個地區任用。其實，好多類似平價 SIM 卡，24 小時 Day Pass 都有 500MB 用量左右，今次推廣就當係免費一日用量。反正係 Free，你嘅手機又支援 eSIM 嘅話，要搶啦！
MWC2026 上海場推廣
今次推廣係中國聯通香港 CUniq 嘅 eSIM 平台。無論網頁版同埋專用 App CUniqGO 都有得享用今次嘅 Jetso。其實，今次 Jetso 係同 MWC2026 上海有關。有睇開 ePrice 嘅網友，MWC (Mobile World Congress) 就是專門講電訊科技嘅展銷會，年初會係西班牙巴塞隆拿舉行，年中即係呢幾日，會係上海舉行。今次優惠，就係 MWC 專屬啦。不過，你唔係出席 MWC 2026 上海場都 OK，因為呢個優惠，人人可用。
呢次優惠，用緊 eSIM 嘅你，只要申請並安裝係你嘅手機，到達目的地，全球 80+ 旅遊地都用得，開著數據漫遊就用得，會有 500MB Data 你用。地點當然包括中國內地啦。點樣 Download？依照以下方法：
01：下載 CUniqGO App 或登入 CUniq eSIM 網站
02：撳 App 首頁 Banner 或點擊右上角人物圖標
03：註冊/登入賬戶
04：輸入兌換碼：MWC2026SH 05：安裝 eSIM 06：到達目的地後，開咗佢就得。
CUniq 漫遊數據，主要走香港線路，所以北上使用，支援各大 Social Media、打卡、搵路、即時翻譯，完全冇難度。推廣期至 2026 年 6 月 30 日，仲有幾日咋！若果你有 eSIM 手機，又未用過 eSIM 亦可以用今次機會，試下用 eSIM 嘅流程，反正免費嘅，可以當試用。