左定坤 (Cho Ting Kwan) 2026-07-24 19:54 | 數碼通
點解要取消 3G
而家 5G 服務已經好普及，繼續使用 3G 網絡嘅用家數量持續減少。根據資料顯示，截至 2026 年 6 月，使用 SmarTone 3G 網絡服務嘅客戶，只係佔整體流動通訊客戶總數大約百分之一。為咗令受影響嘅 3G 用家有足夠時間準備，SmarTone 喺去年開始已經主動通知有關安排，並向相關客戶發送短訊提示，提醒用家及早檢查係唔係需要換電話智能卡（SIM 卡）或者升級手機設備。
SmarTone 點樣支援用戶過渡
喺支援措施方面，SmarTone 提供咗一系列輔助安排，包括免費更換電話智能卡服務、流動服務計劃同埋智能裝置升級優惠。品牌亦喺網上上載咗簡易指引，教用家喺支援 4G 或 5G 嘅手機上面完成網絡設定，令整個轉換過程更簡單。同時，SmarTone 亦會透過實體門市同埋 24 小時客戶服務熱線解答查詢。考慮到長者同埋對科技較唔熟悉嘅用家，SmarTone 安排咗額外嘅支援渠道。如果部分長者客戶未能成功收到短訊提示，佢哋嘅客戶服務團隊會主動打電話跟進，提醒有關安排並提供適當嘅協助，確保佢地可以順利過渡到新一代網絡服務。