HONOR 推出八月暑假限定優惠 買指定手機即享免費升級與保養保障-ePrice.HK

HONOR Magic V6 獨家禮遇

喺今次八月暑假優惠入面，旗艦折疊螢幕手機 HONOR Magic V6 提供咗兩款精選禮品畀用家二選一。用家可以選擇免費升級至 1TB 儲存容量（價值 $1700），或者選擇獲贈 HONOR CHOICE 投影機 Air Pro（建議零售價 $1999）。

除咗禮品二選一之外，購買 HONOR Magic V6 嘅用家仲可以獲得雙重專屬售後保障。當中包括價值 $5686 嘅「HONOR 機身屏幕意外寶」一年無限次意外損壞維修服務，同埋價值 $1200 嘅免費貼膜服務（首年包含內螢幕 2 次、外螢幕或後蓋 2 次，合共 4 次）。用家需要喺指定嘅禮品登記連結進行線上登記，並攜帶正本收據前往換領中心領取禮品。

根據服務條款，用家喺購買設備 1 年內，如果非產品品質問題導致內螢幕、外螢幕、後蓋或轉軸等外觀零件故障（唔包含主機板），都可以使用此維修服務。兩次出險時間需要間隔 15 天以上，每次維修需支付人工服務費（外螢幕或後蓋每次 $200；其他外觀零件每次 $998）。相關意外保險係由美亞保險香港有限公司承保。

HONOR Magic8 Pro

針對旗艦機款 HONOR Magic8 Pro ，品牌就不同版本推出咗相應嘅折扣同配件組合。選擇 16GB+1TB 規格嘅用家，喺呢個月買機可以直接減 $300；而選擇 12GB+512GB 版本嘅用家，就可以免費獲贈建議零售價 $599 嘅 HONOR CHOICE CuBuds 無線耳機。

不論選擇邊個版本，購買 HONOR Magic8 Pro 嘅用家都會加送多款實用配件同保障，包括建議零售價 $99 嘅防偷窺保護貼、價值 $499 嘅手機配件及藍牙喇叭套裝，以及價值 $1688 嘅售後服務（包含首年碎屏及後蓋寶服務各一次，同埋首年 2 次免費貼膜服務)。

HONOR 600 系列禮品詳情

HONOR 600 系列喺今次優惠活動中亦涵蓋多個型號。選購 HONOR 600 Pro 12GB+256GB 版本嘅用家，可以選擇免費升級至 512GB 容量（價值 $500），或者選擇建議零售價 $499 嘅 HONOR CHOICE WOF 高速風筒 Pro。同時，買機亦會加送價值 $299 嘅 HONOR 600 磁吸手機殼套裝，以及價值 $800 嘅 HONOR 600 系列保養服務（包含一年延長保養同一年兩次免費貼膜服務）。

至於選購 HONOR 600 12GB+256GB 版本嘅用家，則可以喺免費升級 512GB（價值 $400）同埋 HONOR CHOICE Earbuds DOINGTOP X8i（價值 $399）加 HONOR CHOICE MiLi LiTag（建議零售價 $89）組合之間作出選擇。呢款機同樣會加送價值 $299 嘅磁吸手機殼套裝與價值 $800 嘅系列保養服務。另外，選購 HONOR 600 Lite嘅用家，就可免費獲得價值 $299 嘅 HONOR Gift 多功能便攜雙無線咪卡拉 OK 套裝。

最新新聞