- 三千有找中階推介
分區列表
左定坤 (Cho Ting Kwan) 2026-10-21 11:55 | Honor
首度聯手 ARRI 調校電影經典青調
今次 HONOR Magic9 Pro Max 最大賣點係同百年電影工業品牌 ARRI 合作，將專業電影攝影領域嘅色彩同成像技術帶入手機。官方特別強調新機會重現早期電影工業經典嘅「青調」，專門針對畫面色彩層次同色調進行調校，由內到外呈現濃厚嘅電影感。至於具體鏡頭像素、感光元件尺寸同錄影格式，官方目前未有進一步披露。除咗鏡頭影像之外，機身外觀亦係今次宣傳重點。HONOR Magic9 Pro Max 採用 Unibody 一體成型全金屬機身，配合漸變色玻璃背板，官方表示可以加強防指紋效果同握持手感。新機主打全新旗艦配色「青苔」，設計靈感同樣嚟自早期電影工業，喺復古綠調之中加入金屬磨砂質感，走沉穩優雅路線。
HONOR Magic9 Pro Max 憑住 ARRI 電影調色同金屬機身工藝，喺影像旗艦市場建立清晰嘅專業風格。目前官方專頁僅公佈咗 11 月 4 號登陸香港同部分外觀特色，至於香港版本嘅具體處理器規格、各容量版本以及建議零售價，仍有待官方喺發布當日正式公佈。