free hit counter script

姜濤疑咪嘴惹熱議 IG限動回應 第13胎創作班底網民期待

27
姜濤
姜濤

MIRROR成員姜濤前日(4日)為喺會展舉行嘅首屆《共創明「Teen」計劃》畢業禮擔任壓軸嘉賓,期間喺台上獻唱《Master Class》和《蒙著嘴說愛你》。姜濤喺跳唱《Master Class》後,多謝大會邀請及表示喺學生哥面前表演緊張過開演唱會,並指歌曲係佢入行以來嘅心得及鼓勵年輕人追夢。之後,姜濤就唱出《蒙著嘴說愛你》,喺唱到接近尾聲時,大會安排咗4名小朋友上台,不過姜濤未有發現佢哋喺身邊,喺察覺到嘅時候就嚇咗一跳,然後就蹲低搭住旁邊嘅小朋友話「你哋出咗嚟呀?」,之後就忍不住喪笑,唱唔到落去。由於現場仲播住《蒙著嘴說愛你》嘅墊底聲,所以唔少網民都認為佢咪嘴唱歌,不過亦有網民指有同事喺現場,姜濤有現場唱歌,只係墊底聲太大。

喺活動結束後,姜濤疑似咪嘴唱歌,隨即成為網上熱門討論話題,而噚晚姜濤喺IG限時動態上載演出當日坐車嘅側面個人照片,並寫上:「沒甚麽好說的 繼續努力」,疑似就事件作出回應。另外,佢亦有喺限時動態上載喺後台同小朋友們嘅合照,仲留有一個心心嘅emoji。

除此之外,姜濤早前表示自己正在籌備13胎歌曲,而喺噚晚佢就公開創作班底嘅陣容,歌曲由林家謙作曲、黃偉文填詞、及Edward Chan監製,留言話:「將近兩年了 終於要好好的把你生出來了 #十三胎」。唔少網民及姜糖都紛紛留言表示期待,例如「終於等到了,等到頸都長」、「wow 家謙同Wyman 好期待呀」、「好期待呀~呢個組合」、「呢個combination不得了」、「超強基因的13胎」及「期待,幾時可以接生?」等等。

影片截圖

影片截圖

影片截圖

影片截圖

姜濤

姜濤 (姜濤IG)

姜濤

姜濤 (姜濤IG)

姜濤

姜濤 (姜濤IG)

姜濤

姜濤 (姜濤IG)

姜濤

姜濤 (姜濤IG)

姜濤

姜濤 (姜濤IG)

姜濤

姜濤 (姜濤IG)

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

Comments are closed.