free hit counter script

大劉劉鑾雄突開記招被問有冇睇《愛回家》 直指有女演員塊面唔郁:笑起上嚟硬膠

27
大劉劉鑾雄突開記招被問有冇睇《愛回家》 直指有女演員塊面唔郁:笑起上嚟硬膠
大劉劉鑾雄突開記招被問有冇睇《愛回家》 直指有女演員塊面唔郁:笑起上嚟硬膠

劉鑾雄(大劉)今日下晝突然間召開記者會,回應網上多宗傳聞,包括係被指因為投資恒大而慘輸 200 億等等。除咗回應有關傳聞之外,一向係TVB處境劇《愛回家》粉絲嘅大劉就被記者問到最近有冇收睇,大劉就表示「耐唔耐有」,仲透露劇中有女演員塊面唔郁:「笑起上嚟好似硬膠咁樣,啲肌肉實到唔識郁,男就好少整到咁硬膠,多數係女啦,真係唔識郁㗎喎啲肌肉笑起嚟,人哋都係為咗揾食」,不過佢就廢事人哋以為佢針對嗰位演員而拒絕開名,結果惹嚟唔少網民揣測究竟大劉講緊嘅女演員係邊個。

《愛·回家之開心速遞》由2017年起開播至今已經播出超過2000集,當中曾經參演嘅演員多不勝數,而常駐嘅主要女演員就包括:滕麗名(飾熊尚善)、呂慧儀(飾熊若水)、湯盈盈(飾高栢菲)、古佩玲(飾申瑞素)、林淑敏(飾大小姐龍力蓮)、蘇恩磁(飾二太佘秀琴)、樊亦敏(飾三太白天娥)、沈可欣(飾葉碧嘉)、姚瑩瑩(飾Helen姐)、許思敏(飾群姐)、何芷姍(飾馬美娜)、林凱恩(飾譚育英)、葉蒨文(飾Candy)及孫慧蓮(飾「食屎陳師奶」)等等。

其實大劉都唔係第一次公開提及《愛回家》,喺年初嘅記者會回應被影到同呂麗君一齊時,佢就提到《愛回家》角色,「食屎陳師奶」,仲話如果冇睇《愛回家》有少少失敗:「你哋有無睇《愛回家》呀?無睇《愛回家》呀?你哋有少少失敗喇。我晚晚無嘢做食飯就會睇《愛回家》,《愛回家》有個角色叫「食屎陳師奶」,咁我唔知嗰個有無食屎,係咪陳師奶,抑或八師奶,諸事嘅諸師奶,就攞個電話影緊我相,當我見到佢用相機影我嗰時,影到呂麗君,我就好嬲,因為我就唔想畀人見到誤會,或者畀人造謠,話我哋出嚟行商場復合。」

愛.回家之開心速遞

愛.回家之開心速遞

《愛回家》女藝員眾多(來源:呂慧儀IG)

《愛回家》女藝員眾多(來源:呂慧儀IG)

《愛回家》女藝員眾多,如「接龍五美」。(來源:呂慧儀IG)

《愛回家》女藝員眾多,如「接龍五美」。(來源:呂慧儀IG)

《愛回家》女藝員眾多,如「接龍五美」。(來源:呂慧儀IG)

《愛回家》女藝員眾多,如「接龍五美」。(來源:呂慧儀IG)

《愛回家》女藝員眾多

《愛回家》女藝員眾多

許思敏(飾群姐)

許思敏(飾群姐)

葉蒨文(飾Candy)、古佩玲(飾申瑞素) (來源:葉蒨文IG)

葉蒨文(飾Candy)、古佩玲(飾申瑞素) (來源:葉蒨文IG)

吳香倫(飾譚何容儀)、林凱恩(飾譚育英Bonnie) (來源:林凱恩IG)

吳香倫(飾譚何容儀)、林凱恩(飾譚育英Bonnie) (來源:林凱恩IG)

Comments are closed.