free hit counter script

萬千星輝頒獎典禮2023|紅地毯盛況回顧!何沛珈中門大開激性感 炎明熹再玩突破玩出事

26
萬千星輝頒獎典禮2023|紅地毯盛況回顧!何沛珈中門大開激性感 炎明熹再玩突破玩出事

萬千星輝頒獎典禮2023|紅地毯盛況回顧!何沛珈中門大開激性感 炎明熹再玩突破玩出事

《萬千星輝頒獎典禮2023》昨晚(14日)於澳門圓滿結束,各個獎項結果塵埃落定,劇集《新聞女王》全晚合共奪得8個獎成為大贏家。台上鬥得激烈,台下亦然,TVB花旦們互相爭妍鬥麗,就為大家回顧一下紅地毯盛況,睇吓今次又有邊個女藝人出現時裝車禍!

佘詩曼
佘詩曼憑劇集《新聞女王》文慧心(Man姐)一角成為三料視后,為全晚焦點之一。久未出席TVB頒獎典禮嘅佘詩曼於紅地毯環節壓軸登場,著上黑色Tube Top貼身晚裝,除咗胸前裝飾夠晒閃,身上亦有唔少鑽飾,造型優雅貴氣;而阿佘更孖住馬明奪得「最佳衣著男、女藝人」獎。

佘詩曼

佘詩曼

高海寧
高海寧入行15年憑劇集《新聞女王》許詩晴一角勇奪首個「最佳女配角」獎項,當晚以低胸平口晚裝出席,紫色絲綢質地相當亮眼及高貴,就咁睇前面好似無咩特別,但仔細一睇側身已經係鏤空設計露出纖腰,再一個轉身原來係大露背,非常性感。

高海寧

高海寧

李施嬅
李施嬅當晚帶病出席,著上白色及啡色拼接設計嘅露肩晚裝裙,仿似成晚披上披肩一樣,有種講唔出口嘅奇怪。

李施嬅

李施嬅

龔嘉欣
龔嘉欣以一身粉紫色閃片大露背晚裝孖住阮浩棕行紅地毯,配以簡約頸鏈及手鏈,清新奪目,不過龔嘉欣驟眼睇就圓潤咗唔少。

龔嘉欣

龔嘉欣

郭柏妍
郭柏妍一貫以往頒獎典禮作風,以淺粉色平口長傘裙造型出席,胸前帶有類似花瓣般嘅設計,配合黑色長直髮,係就係仙氣十足,但就無咩新鮮感,略為安全過頭。

郭柏妍

郭柏妍

劉佩玥
劉佩玥失住聲咁出席獎典禮,而佢嘅晚裝都令佢十足十病人一樣,驟眼睇激似包紮帶;而且前額無神神整兩條胎毛瀏海,認真失誤。

劉佩玥

劉佩玥

炎明熹
炎明熹呢期出席頒獎典禮嘅造型皆成熱話,今次炎明熹再度作出新嘗試又再成為焦點,大膽地以黑色性感內衣、白色長身襯衫配搭紅色半身裙及絲襪亮相,不過咁樣嘅搭配加埋件白色長身襯衫有陣去動漫節嘅Cosplay味,仲好似隻紅鶴。好彩佢之後就換返套黑色Bling Bling貼身晚裝,襯返個年紀。

炎明熹

炎明熹

Gigi之後換上另一套全黑連身裙

Gigi之後換上另一套全黑連身裙

劉穎鏇
奪得飛躍進步女藝員嘅劉穎鏇繼續大騷長腿,單肩和開衩晚裝盡顯好身形,不過背後長披設計加上寶藍色就令人聯想起Superwomen。

劉穎鏇

劉穎鏇

何依婷
成為人妻無耐嘅何依婷相當錫身,以長袖白色喱士晚裝亮相,僅露出香肩;紮上公主頭及配以蝴蝶結頭飾,散發陣陣仙氣。

何依婷

何依婷

何沛珈
「東張女神」何沛珈紅地毯打扮極性感,以「中門大開」黑色低胸貼身晚裝現身,遠睇仿似只得兩塊細布遮胸一樣,戰鬥力十足,何沛珈就形容自己係「型得嚟性感」。

何沛珈

何沛珈

古佩玲
古佩玲以灰色蛋糕傘裙出席,安全過關。不過,佢就真係要換一換個髮型,黑色瀏海感覺超級厚重。

古佩玲

古佩玲

游嘉欣
游嘉欣一向都係穩打穩陣派,今次都唔例外,淺色調Tude Dress打扮化身甜美乖乖女,不過如果可以加啲首飾點綴就更加好。

游嘉欣

游嘉欣

陳星妤
陳星妤著上白色開衩晚裝現身,腰部和腹部位置為鏤空設計,隱約露出胸邊,絕對係小心機打扮。不過,可能因為裙款材質太透,加埋現場燈光,令內裡三角褲現形,稍稍失手。

陳星妤

陳星妤

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

Comments are closed.