free hit counter script

李幸倪官方歌迷會App「GLFC」上架 乜都要撈:「好似一日返幾份工」

21
李幸倪官方歌迷會App「GLFC」上架 乜都要撈:「好似一日返幾份工」
李幸倪官方歌迷會App「GLFC」上架 乜都要撈:「好似一日返幾份工」

早前Gin Lee李幸倪透露正積極籌備官方歌迷會,日前她於IG live宣佈她的官方歌迷會「GLFC」App正式上架,是少有以App形式成立歌迷會的香港歌手。

她指由去年九月開始籌備,十月正式動工,花了近四個月的時間開發這個應用程式,「其實開發一個app至少要半年至一年時間將佢完善,但今次就用咗好快嘅時間做好,終於終於見得人啦!之前有一個小小嘅soft launch,未正式同全部人講,今日可以講啦!」她坦言開發這個app是很希望有一個屬於她跟fans的平台,凝聚大家的力量,「我又可以認識佢哋多啲,嚟緊亦都會舉辦多啲唔同嘅活動,見吓佢哋,同佢哋拉近距離,亦都多謝佢哋扶持咗我咁多年。」

為了這個平台,Gin事事親力親為,除了I.T.的部份,訂貨入貨、會tee設計、翻譯、proof reading等等,Gin都落手落腳去做,「用咗好多精力同時間,真係好似一日返幾份工,去搞去跟進,總之好誇張,每一隻字我都要睇過,幫手翻譯,好多好多想像唔到嘅嘢,希望大家可以感受到我嘅誠意。」她笑言過去一個月,自己家裏像貨倉一樣,「因為放滿晒大家嘅會tee、一啲Merchandise、筆記簿等等。」她表示早前推出的利是封賣得七七八八,將來亦會將自己其他的設計、喜歡的東西跟大家分享,而且是限量推出。

有fans問到她新年的如何渡過,她指自己每年農曆新年都要放假,因為全世界都在放在,但今年年初一便要開工,可謂打破自紀錄,「今年大年初一要錄音,因為夾唔到期,所以對我嚟講都係一個好大嘅『犧牲』,哈哈。」她透露歌曲於農曆年後推出,有fans時問幾時開show,她便大賣關子,「自己個人show就下年啦,但今年都會有show,係同人合作嘅,而家唔講得,大家好快就知。」

李幸倪官方歌迷會App「GLFC」上架 乜都要撈:「好似一日返幾份工」

李幸倪官方歌迷會App「GLFC」上架 乜都要撈:「好似一日返幾份工」

李幸倪官方歌迷會App「GLFC」上架 乜都要撈:「好似一日返幾份工」

李幸倪官方歌迷會App「GLFC」上架 乜都要撈:「好似一日返幾份工」

Comments are closed.