free hit counter script

JFFT床哥任駐校實習社工2日被老師聯署辭退 頻道成員多才多藝拍戲又出歌

23
JFFT床哥任駐校實習社工2日被老師聯署辭退
JFFT床哥任駐校實習社工2日被老師聯署辭退

YouTube頻道「JFFT」成員陳鈺麟(床哥)喺噚晚(18日)喺個人IG上載影片,指自己喺一間中學擔任實習駐校社工,不過喺第二日就收到院校通知,指中學嘅老師「聯署」要求佢離開實習崗位,但未有原因。對於老師呢個行為,床哥感到既無奈又憤怒,仲話「今日係佢人生中受到最不公義對待嘅一天」 。

影片出街後,除咗吸引大批網民留言支持佢之外,唔少藝人都留言支持,例如遊學修「唔好返去喇」、程人富「陳Sir🫂🫂🫂呢間中學嘅學生真係慘」、吳肇軒「我中學都見過唔少社工,我深切相信如果我當年見嘅係你,我人生會少好多痛苦同難受,走少好多歪路。」、保錡@ERROR「支持你呀🫶🏽加油一齊努力改變啲嘢,係難嫁,但一定要堅持🔥」及嘉瑩「有呢啲食屎大嘅人孭住春風化雨嘅牌坊去比人叫老師!真係不知所謂!」等等。

YouTube 頻道JFFT(Just For Fun Team)喺2013年成立,成員包括陳鈺麟(床哥)、李嘉彥(雞翼)、張鋒良(良少)以及夏鼎泉(米爺),而現時嘅訂閱人數超過14.9萬,佢哋不時喺頻道分享搞笑、惡搞、電玩及足球內容為主,吸引大批年輕人觀看及留言。另外,JFFT成員喺2022年曾與「試當真」等單位合作舉辦校花校草比賽,仲曾擔任尹光演唱會嘉賓及夥拍容祖兒拍廣告,而床哥更曾參與ViuTV劇集《極度俏郎君》及《Food Buddies》拍攝。喺上年,有份參與《極度俏郎君》拍攝嘅保錡@ERROR擔任JFFT《床哥心事台》節目嘉賓,期間一邊打機一啲傾偈,保錡仲自爆唔明劇集講啲咩及原本唔想拍呢套劇。唔好以為佢哋四個淨係識搞笑,其實佢哋都好有實力,曾經喺TONE MUSIC頒獎典禮獲得三個大獎,仲同過周殷廷合唱出歌。

YouTube頻道「JFFT」成員陳鈺麟(床哥)

YouTube頻道「JFFT」成員陳鈺麟(床哥)

YouTube頻道「JFFT」成員陳鈺麟(床哥)

YouTube頻道「JFFT」成員陳鈺麟(床哥)

YouTube頻道「JFFT」成員陳鈺麟(床哥)

YouTube頻道「JFFT」成員陳鈺麟(床哥)

YouTube頻道「JFFT」成員陳鈺麟(床哥)

YouTube頻道「JFFT」成員陳鈺麟(床哥)

YouTube頻道「JFFT」成員陳鈺麟(床哥)

YouTube頻道「JFFT」成員陳鈺麟(床哥)

YouTube頻道「JFFT」成員陳鈺麟(床哥)

YouTube頻道「JFFT」成員陳鈺麟(床哥)

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

Comments are closed.