free hit counter script

電影LOL︳DC動漫人物版權陸續失效 《超人》2034年到期準備被惡搞

25

早排報導過,迪士尼ICON米奇老鼠嘅原型作品Steamboat Willie嘅版權今年起成為公共財產,一踏入2024年就有2套新片宣布惡搞米奇,一套將米奇變成殺人狂,一套就將Steamboat Willie變成恐怖片。

正所謂一不離二,外媒Variety報導話,仲有一系列漫畫人物嘅版權,最快十年後失效,到時大家可能會睇到更多公然老翻嘅超級英雄片。

其中,超人同埋佢愛人Lois嘅版權將會喺2034年到期,到2035年就輪到蝙蝠俠,而Batman死對頭小丑以及另一漫畫英雌神奇女俠,都會分別喺2036及37年成為公共財產。咦,都係DC出品嚟架喎。

假如你都想拍返套《超人》或者《蝙蝠俠》過吓癮的話,留意返,成為公共財產嘅版權只係講緊幾十年前被創造出來嗰個角色嘅版本,有好多相關元素係唔包嘅。例如初代超人係唔識飛嘅,你只可以拍佢跳得好高;而超人心口個S字logo又或者蝙蝠俠個標誌,版權一早被註冊,唔可以用。

電影公司都知道有咁嘅一日,當然有辦法應付,例如喺漫畫(以及相關改編電影)嘅人物造型上作出更改,再註冊埋版權,務求拉長個時效。而DC開拍新一套《超人》電影時,都會引入1999年面世嘅漫畫The Authority當中部份角色,主腦James Gunn都承認咁做係因為留意到超人終有一日成為公共財產。

Variety嘅報導提到,DC《正義聯盟》嘅主腦Zach Snyder本來打算對一班英雄人物嘅關係同設定嚟個大兜亂,包括「超人嫂」Lois會幫蝙蝠俠生仔、神奇女俠會極暴力拎住死敵人頭示眾。一旦上述角色版權失效,Zach Snyder就可以盡情發揮,不過大前題係唔可以用「正義聯盟」呢個由DC持有版權嘅片名啫。

更多電影文章

電影LOL 今期睇咩戲︳源生罪/不是你不愛你/蜂神惡殺/法拉利/真的狠愛你/達利:慾望之謎/萬里千尋/不虛此行/ANOTHER SIDE …… JOEY . MY SECRET . LIVE

電影LOL︳Adam Sandler繼續行演技派路線 新片Spaceman同外星蜘蛛傾心事

電影LOL︳香港電影評論學會大獎 吳慷仁余香凝封最佳男女演員 《命案》成最佳電影

電影LOL︳曾國祥有份執導 Netflix今季鉅製《3體》講明唔刪文革情節

電影LOL︳老公前妻鬼魂返嚟!史提芬史匹堡30年來監修首套驚慄片 被睇好拍得住《魔鬼怪嬰》

電影LOL︳惡搞米奇無手尾!血腥暴力新片Mickey’s Mouse Trap 點解唔怕迪士尼告?

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

Comments are closed.