free hit counter script

張致恒被網紅追住咬 疑向阿Sa借錢唔還聲帶曝光

24
張致恒被網紅追住咬 疑向阿Sa借錢唔還聲帶曝光

張致恒被網紅追住咬 疑向阿Sa借錢唔還聲帶曝光

藝人蔡卓妍(阿Sa)2022年接受內地節目《她的雙重奏》訪問時,爆料曾被好友呃佢有急事借錢,畀佢發現之後就嬲到即刻Block對方,連錢都唔要,當時已經有傳阿Sa口中「好友」疑似係張致恒(Steven)。點知尋日(21日)有位同Steven一家人素有積怨嘅網紅,忽然公開數段聲稱係Steven嘅錄音,又配上阿Sa於該節目嘅截圖,令網友有所聯想。

有網紅公開數段聲稱係Steven嘅錄音。

有網紅公開數段聲稱係Steven嘅錄音。

錄音中提到就疑似提到涉及嘅金額:「唉,我依家好乸煩,因為阿Sa之前做咗個節目,喺上海做咗啲訪問節目,話有個朋友借咗佢錢,然後仲要拉黑咗,冇再聯絡。跟住啲人個個就話係我,然後衝晒過嚟係咁叫我還錢畀阿Sa,嗰啲咁嘅嘢,唉,我好頭痛呀呢兩日。」、「最煩係影響到我吖嘛!人哋阿Sa又冇開名,啲人又過晒嚟係咁話我,我真係好頭痛!」、「我爭佢10萬呀。」網友驚訝Steven借人10萬大數目唔還!

暫時Steven仍未就爆料開聲,不過佢太太雯雯就先發聲,上載彩色背景圖,留言:「遠離是非 遠離複雜的城市 專注在小朋友、老公、狗狗世界」心情似乎未有影響。

其實阿Sa當時喺節目中表示:「有一個很好的朋友,他問我借錢就說了一句他最近有點困難,然後Ok就不用說了,我二話不說我就去銀行,我就給他打款,後來我發現原來他在說謊,我就把他拉黑了,但是你已經知道這個人不會還你錢的了,我就直接把他刪掉了,我連錢都不要了,太生氣了。」表明已經同嗰位好友公開割席。

一把類似Steven嘅聲提起阿Sa公開割席一事。

一把類似Steven嘅聲提起阿Sa公開割席一事。

更有提到爭人10萬蚊。

更有提到爭人10萬蚊。

雯雯出面護夫,暗示冇受影響。

雯雯出面護夫,暗示冇受影響。

Comments are closed.