free hit counter script

中年好聲音2丨譚輝智原來係富二代馬主 爸爸譚握籌係地產建築商

20
譚輝智

《中年好聲音2》有唔少前演藝人參加,現時進入15強階段嘅參賽者之中,譚輝智係少數「素人」,但係近期表現搶眼,被視為黑馬之一!

譚輝智

譚輝智

最近有傳媒報導指,報稱係廣告設計師嘅譚輝智,原來家底十分豐厚,本身仲係馬主。其父譚握籌從事地產建築行業,買地賣屋係家常便飯,同譚輝智都熱愛唱歌。

38歲嘅譚輝智名下有愛駒「可愛新星」,家人及爸爸係共同馬主。譚家名下愛駒以「可愛」命名,係因為譚父譚握籌嘅飲歌叫《可愛的人生》。根據資料,譚握籌經營地產建築生意,多年前以買賣村屋起家,後來更成為地產發展商,曾參與元朗多個住宅項目。2015年有報導指,譚握籌嘅公司與生意伙伴以5300萬購入元朗洪水橋地皮。

譚握籌多年前公開演唱飲歌《可愛的人生》

譚握籌多年前公開演唱飲歌《可愛的人生》

譚握籌曾出任仁愛堂總理,歌唱發燒友嘅譚亦曾為慈善演唱會演出,更曾經同汪明荃合唱。譚握籌喺譚輝智參加《中年好聲音2》後有到場支持。

至於譚輝智,首集出場就以5盞燈晉級,但當時佢話自己未參加過歌唱比賽,而參賽原因係想俾2個小朋友知道「爸爸都有突破自己」。

Comments are closed.