【明報專訊】MIRROR成員陳卓賢前晚於西九文化區自由空間大盒參與爵士音樂節演出，全晚坐着唱歌嗌爽，自爆平時愛在晚上聽爵士樂，會喝少少酒讓自己放鬆。他除獻唱多首中英文歌，又與台下粉絲互動傾談，表示有向公司反映想出碟，未知何時會開演唱會，希望公開講得多能成事。原本沒安歌環節，他特別清唱數首歌答謝粉絲支持，但歌迷仍未夠喉，陳卓賢取笑粉絲太貪心，最終二度安歌唱《留一天與你喘息》結尾。
積極爭取出個人碟
陳卓賢騷後受訪，覺得這類型演出很好玩，可以唱平時少機會唱的歌。演出前可有飲兩杯放鬆？他說：「做嘢冇飲。」是否很想開演唱會？陳卓賢表示想出碟先，「覺得開騷要多一堆新歌先得，如果歌單差不多，不太想，想有全新演出給觀眾看。一直有向公司爭取出碟，希望明年做到，有很多存貨，一定夠」。
MIRROR新團歌《DNA is U》官方宣傳片串錯團名，他有留意到。可覺得公司俹簁？他自言沒有此想法，「顧好自己跳舞唔俹簁先，今次有得企C位跳，但膝頭舊患復發加新傷又痛，拍MV要不停跳，就算不用跳都要企，成個膝頭腫晒，腫到落小腿和腳腕，跳得很痛苦」。他稱之後很多團體演出，又要玩閃避球，因肌肉弱化，正做一些手術以外的治療，若無效，可能最後要做手術。
《DNA is U》MV因有成員沒大頭鏡頭，惹部分粉絲不滿稱不公平，陳卓賢表示這個問題大家討論很多年，成員唱好自己部分，鏡頭分配不輪到他們話事，「12個人好難確保平均，團歌大家可睇團隊跳舞。（可介意無大頭？）我冇咩所謂，做好本分就得」。隊友姜濤透露正了解佛學減壓，他可會效法？陳卓賢稱是天主教徒，不看佛經看聖經，「我減壓都是聽音樂，原本運動都可以，現在做不到」。
記者：林祖傑
相關字詞﹕MIRROR成員陳卓賢（lan）
Comments are closed, but trackbacks and pingbacks are open.