羅家英汪明荃不丹影婚照圓心願
【明報專訊】汪明荃（阿姐）與羅家英2009年於美國拉斯維加斯註冊結婚，沒有影結婚相，家英哥一直為此耿耿於懷，希望補拍結婚照。阿姐與家英哥早前往不丹拍攝無綫節目《帶阿姐看世界》，監製給二人炮製驚喜，安排他們穿上不丹傳統民族服補影結婚相，並由當地僧侶給兩人加持祝福。家英哥笑說：「影結婚相我覺得都係要趁我哋仲後生、靚靚哋嘅時候影番張紀念吓。有諗過不如去韓國影，估唔到嚟到不丹突然間……可能我同製作組講過吓，咁佢就暗中安排。」
阿姐與家英哥由拍拖、結婚至今相愛36年，拍照時二人依然甜蜜，阿姐在埋位前為老公細心整理衣衫，家英哥埋位後，更情不自禁親吻阿姐額頭，二人又不時對望露幸福笑容，一切盡在不言中。阿姐說：「我哋喺美國結婚，冇著婚紗同裙褂，佢（家英哥）成日話我哋幾時影番輯結婚相。今次我都未同佢講實，因為我要嚟到呢度先知啱唔啱，最後估唔到我哋會著上不丹嘅傳統服裝，仲要有大師祝福，又有好多村民同我哋跳舞慶祝，都幾難忘。」家英哥說有大師加持婚姻，讓他們白首和諧。家英哥突然開心又感慨說：「我就還咗個心願嚟喇係咪呀？」說畢向阿姐撒嬌要求「握手仔」，阿姐有點不知所措，但亦伸手回應老公，並說：「係係係。」然後與家英哥不斷握手，場面搞笑。
娛樂組
相關字詞﹕不丹 羅家英 汪明荃
Comments are closed, but trackbacks and pingbacks are open.