【明報專訊】70歲任達華前晚伙太太琦琦出席時裝品牌活動，一身型格打扮的他與老婆合照時不慎絆倒，眼鏡也飛脫，幸好身手敏捷，在地上翻了一圈半，迅速站起來。嚇呆的琦琦未即時上前扶老公，反而先拾起跌在附近的眼鏡。任達華受訪時笑言：「剛才表演了一個時裝美態，如果唔係點演繹件衫飄吓飄吓呢？」他還自詡身手OK。
任達華女兒任晴佳成新生代模特兒，表示一直讓囡囡自由發揮。問到會否介意女兒穿性感裝束？他說：「呢啲佢識諗，知道應該或唔應該做什麼，太太都好少加意見。」他大讚囡囡到意大利出席婚宴，穿親自設計的大露背晚裝好靚，十分完美，「佢鍾意運動，同我一樣是運動狂，所以背肌好靚」。
任達華透露下月舉辦以香港海港為主題的攝影展，透露花了幾年時間籌備，「同拍戲一樣，參演的《內幕》拍了差不多3年將上映，最難忘一場吊頸戲，真的1秒都嫌多，拍完要休息20分鐘，幸導演即刻識叫cut，呢場戲唔話得畀太太知，相信以後都不會拍這類戲，太危險」。
周汶錡難忘模特兒辛酸
同場的周汶錡表示很開心出席時裝活動，勾起以前當模特兒行騷的回憶，「有時都幾辛苦，冬天穿薄衫捱凍，夏天又要穿厚衫好熱，不過諗番都好好玩」。她透露已計劃跟老公帶分別10歲及8歲的兒子，提早到日本滑雪過聖誕。問可擔心熊患？周汶錡說：「咁凍應該要冬眠啩！」她表示兩子暫時仍會跟父母去玩，已有心理準備到中學時，他們有自己的圈子，「冇得唔捨得，豁出去，既然唔捨得都係咁，不如接受，唔緊要，聽話就OK」。
記者：林祖傑
相關字詞﹕周汶錡 琦琦 任達華（華哥）
Comments are closed, but trackbacks and pingbacks are open.