被指是《中年4》「企鵝人」 鄭俊弘無否認：把聲少少似我 – 20251219 – 娛樂

【明報專訊】鄭俊弘、黃劍文、葉巧琳與陳凱彤等昨日綵排明年1月公映的音樂劇《為你鍾情》，鄭俊弘自爆為演出秘密操肌一年，「上年演出時被劇組嫌身形太瘦，我曾經『僭建』，在胸前及屁股加墊，現在變大隻仔著衫較好睇」。網民競猜鄭俊弘是無綫歌唱比賽節目《中年好聲音4》的蒙面藝人「企鵝人」，他笑稱節目播出後收到不少粉絲及朋友私訊求證，鄭俊弘故弄玄虛說：「我覺得個參賽者唱得好好。（讚自己？）唔講得。參賽者把聲有少少似我，又似周志康和古巨基。（蒙面唱歌難？）我唔知喎！不過我新冠疫情時試過戴口罩唱歌，蒙面唱歌係有難度，我每天都袋住面具傍身。」他認同《中年4》安排蒙面藝人參賽能增加節目氣氛，令觀眾更投入，「希望個參賽者（企鵝人）一路帶落去能贏出啦！」黃劍文笑稱「企鵝人」像鄭俊弘，「如果真係佢，覺得佢實贏」。