前藝人梁愛患胰臟癌拒治療 稱當腫瘤朋友
【明報專訊】87歲無綫前藝人梁愛淡出娛樂圈多年，近日接受資深監製楊紹鴻主持的網上節目訪問，見她消瘦不少，不過精神不俗、中氣十足，透露經歷喪夫喪子後獨居水泉澳邨，因患胰臟癌，早前搬到深圳老人院居住。對生死看得豁達的她拒絕接受西醫治療，只定期覆診及以中醫調理，「近6個月變化好大，以前一切都是自理，現在已不能，要搵個地方飯來張口，衣來張手，於是便到深圳，我曾說過死也不入老人院，但現在都要入」。
梁愛表示之前常覺得胃部附近疼痛，感覺頂住，無胃口一直消瘦，檢查不到原因，聽亞視舊同事介紹到深圳醫院，驗出患胰臟癌。她得知患癌後表現冷靜，拒絕接受治療，覺得生死有定，「我身體嘅嘢，一條友之嘛，生生死死都係自己一個人，驚乜嘢啫？生死該來就來、該走便走，上面要畀通告你咪開工囉，唔畀通告你收番張通告咪拜拜囉，好簡單，一個人最緊要活得開心」。
梁愛稱身上的癌症腫瘤像雞蛋般大，當是朋友常傾偈，「佢痛嗰陣我同佢講『朋友唔好痛，我死得快，你都死得快。我唔死一日你有食有住，有我有你，大家做個好朋友，你幫吓忙，咁我就感激。』我有問佢點解要匿喺我呢度，畀我安享兩年得唔得，但係佢冇答我，即係唔得」。
娛樂組
相關字詞﹕梁愛
Comments are closed, but trackbacks and pingbacks are open.