阮小儀聖誕曬婚戒成人妻 丈夫身分保密 森美：希望佢哋長相廝守 – 20251226 – 娛樂

娛樂組

小儀昨在社交平台上載曬婚戒照片，兩手扣在一起，無名指均戴上婚戒，照片中小儀跟另一半戴同品牌但不同顏色的電子表，並刻意加上公仔圖案遮蓋日期時間，以免泄密。她留言：「2025年對我嚟講係一個好年份。多謝你令我人生下半場更精彩。亦想與愛我的你們分享，多謝你們滿滿的祝福。聖誕快樂。」

森美有份食結婚飯

小儀隨後再回應傳媒，「感謝大家的祝福，我沒有特別說話補充，因為都係同大家一樣，找到自己愛的和愛自己的人就足夠。知道大家會好好祝福我，感謝。願大家都喺普天同慶嘅聖誕節，擁有愛與健康，享受生活中的每一刻！」小儀報喜後獲網民滿滿祝福，鄭秀文、森美、張繼聰謝安琪夫婦、蔡卓妍、楊千嬅、呂爵安、林盛斌等道賀並留言：「好震撼嘅消息」。林子善寫道：「除咗恭喜之外我都唔知可以講啲乜，人哋老婆辛苦啦！以後就用你的名字我的姓氏！從此以後，無憂無求，故事平淡等當中有你，已經足夠。」

小儀成為人妻，但未透露丈夫資料；有消息指小儀丈夫從事汽車業，兩人經朋友介紹認識，低調拍拖了一段時間。跟小儀拍檔多年的森美表示，「我知道佢哋嘅婚事，因為佢哋都有食餐飯，我都有去。佢哋同啲屋企人、幾個熟朋友呀一齊食餐飯，好開心㗎﹗呢個消息，我知道咗咁耐都會幫佢保密，因為愛情真係要好好保護。我希望，我都負責保護佢同佢另一半呢份感情，所以關於佢哋嘅嘢就唔多講喇，保護吓佢哋，希望佢哋可以繼續長相廝守﹗」對於小儀另一半的身分，森美亦堅拒透露。小儀另一《早霸王》拍檔梁嘉琪回覆《明報》表示，知道小儀的婚訊，「之前都知嘅， 見佢咁幸福梗係開心，仲要喺佳節宣布真係普天同慶」。

曾表示「可能我聽日結婚」

小儀10月中公布離開商台，其間草蜢到商台受訪，小儀偶像蔡一傑知道她離職，在現場說：「你一定係結婚！」又有網民翻出11月保險活動上小儀也曾漏口風，當時有人問小儀是否擔心孤伶伶，小儀回答：「可能我聽日結婚呢？」近日彭秀慧主持ViuTV節目《晚吹-Chat KP》，訪問阮小儀、楊詩敏（蝦頭）與MayMay，講單身一族話題，彭秀慧稱沒八卦她們感情狀况，叫小儀自己交代，她笑言要抄蝦頭的話：「我問一問我𠵱家個男朋友畀唔畀我今日做嘉賓先啦……」似迴避感情狀况。節目中小儀分享30歲時有單身焦慮問題，覺得30歲仍單身會陷入萬劫不復，到了40歲後已沒有這顧慮，感覺單身也可以快樂，雖然男人仍緊要，但最重要可以有選擇，不必掉入年紀數字的陷阱。

7年情遭第三者介入受創

小儀30歲前感情曾受重創，拍拖7年的出版社CEO男友提出分手，其中涉第三者；她曾在節目哭訴：「次次都係衰畀第三者，唔知點解，命嚟㗎！」以往她跟其他前度也保持聯絡，其中一個移民外國，她稱每次到當地仍相約見面，縱使知道對方有女友，但覺得未結婚仍有機會，最後一次見面是對方告知結婚了。