吳保錡客串司儀捱批 經理人護航鬧出是非 193自爆有新經理人 ERROR疑內訌 – 20260107 – 娛樂

娛樂組

保錡與何啟華在《全民造星VI總決賽》向大會評判之一的古天樂索簽名，保錡提議古天樂寫其名字簡寫「PK」，網民批低俗搞笑，有欠莊重。參賽者表演後，何啟華與保錡走到評判席，先後訪問古天樂和梁詠琪，接着走到孝淵身邊，何啟華以韓語跟孝淵打招呼後笑稱「冇貨」，保錡接着以港式英文問孝淵對參賽者評語，又問對方覺得他跟何啟華「who better face？」孝淵笑笑展露沒好氣表情。有網民認為保錡沒做好準備，失禮香港藝人。

ERROR經理人阿濟在社交平台發文為保錡護航，「唔係執，係頂，得兩日，就係仲要1月5日有工作，知道要幫手，我同佢（保錡）講都即刻肯嚟頂，仲要佢早一日嚟咗production，叫佢幫手排一排，佢都即刻過嚟排同夾稿，訪問係得古生（古天樂）同Gigi（梁詠琪）喺稿上面，因為直播要拖，所以新加訪問，佢哋唔知有翻譯，英文講得唔好叫唔尊重，咁大家以後唔好用你啲港普啦，因為咁樣係好唔尊重，對唔住大家，我以後都唔會講港普，尊重thanks」。

何啟華：下次再處理好啲

阿濟稱保錡與何啟華沒準備要同孝淵接觸，訪問古天樂與梁詠琪後，節目組臨時時要兩人拖時間訪問孝淵，要是有準備一定會做得更好，「有此經歷他們會再超前準備，諗多人哋十步」。他說保錡雖然不時做錯事，有更多空間做好，但今次他被鬧得太過分，其實他有很大幫忙。何啟華回應阿濟帖文，留言：「Sad but true，下次再處理得好啲。」又說：「呻完！阿們。」

193暗示換經理人可走更遠

有網民認為保錡臨危受命幫193頂工作。193疑不滿阿濟的一番話，令人誤會保錡臨時頂替他，發文澄清：「Hi，其他嘢我唔方便評論，亦都唔覺得需要評論，正如我都唔覺得經理人應該亂發言一樣。不過你（網民）好似有啲誤會，以正視聽，所以我都要講一講：首先係請大家千祈唔好盡信我經理人講嘅嘢；二，唔知你點樣聽返嚟係兩日？我肯定就最少有六日……同埋其實係可以唔需要人頂替嘅。」阿濟為此回應：「我講清楚係，我冇話193兩日前通知，係話兩日前叫保錡頂咋。」

雙方對話火藥味濃，有網民問193：「經理人究竟有冇經你？」193回覆：「如果有嘅話，ERROR應該可以行得更遠。」對於有人留言提議換經理人，認為193跟梁業（肥仔）被拖累，193自爆：「𠵱家開始有新經理人幫手，不過交接期，展望將來啦！」

吳保錡貼跟阿濟「走佬」片

保錡未有回應，只在社交網上載《造星VI》決賽鏡頭後的短片，見他跟何啟華和古天樂在評判席自拍，阿濟衝上前催二人回後台，並帶着他們衝，留言：「ERROR經理人，走佬世一。」他還上載做運動片，寫道：「RESPECT MY LIFE 」、「Focus on yourself」。