黃宗澤無加薪 廣告續約友情價 朱茵爆Seed 蔡少芬險動真火 – 20260109 – 娛樂

黃宗澤首奪TVB視帝 與蔡潔互動妙語成焦點

風華背後｜蔡少芬揭片場遭好友喝令收聲 朱茵︰由她生氣

龔慈恩失落女配角 林愷鈴指母親看得開 欣慰王敏奕得獎

記者：鍾一虹

攝影：鍾偉茵

黃宗澤、汪明荃、蔡少芬、朱茵、鄭希怡、譚俊彥、林愷鈴和蔡潔等出席《風華背後》煞科宴，黃宗澤與熒幕情侶拍檔蔡潔一起受訪，蔡潔稱為恭喜黃宗澤封視帝，會夾錢請他食飯。黃宗澤聞言說：「仲要夾？我請啦，都要請邵氏班同事食一餐，報答他們落力幫我拉票，蔡潔教我做瑜伽啦！」他表示要一些時間安排飯敘，因攞完獎翌日即飛南京工作，剛回港又有幾個廣告商找他續約，非常開心。升呢視帝可會加酬勞？黃宗澤笑說：「收友情、溫馨價，多謝客戶支持。開心事，過年派利市都大封啲。」

蔡潔周旋兩男之間

黃宗澤透露今次在《風華背後》演貪錢大律師，只有演他前妻的王丹妮沒有感情線，跟其他演員合作愉快，連汪明荃都玩埋一份。蔡潔表示劇中跟黃宗澤只有一場同場戲分，今次做奸角，與張松枝演夫妻，又與「小鮮肉」涂毓麟有感情線。黃宗澤笑言：「佢（蔡潔）嫌棄我呢個伯父，睇劇本見佢同松枝有大膽身體接觸，有場戲要伸手入裙摸大髀。」 蔡潔表示電視尺度有限，拍攝上會用特別方法演繹，帶出刺激效果。

片場粗口橫飛 朱茵感親切

蔡少芬與好友朱茵拍劇4個月，笑稱戲內默契十足，戲外很嘈，傾偈時嚇得其他人四散。二人劇中演豪門姊妹，感情起伏大，相當寫實，朱茵說：「現實都係咁，唔會日日『糖黐豆』，好似人生總有起跌，可以放落戲入面，對我們的感情和戲都有火花，是一個進階。」可會太入戲動真火？蔡少芬笑謂：「有場戲，朱茵大聲話『你唔好講住，等我做埋先』，拍完佢話對唔住、唔好意思，我說冇事，你係咁㗎啦，過了就算，雖然我放在心裏。」

朱茵解釋蔡少芬沒有講開頭，「蔡小姐話我應該點做、點做，所以我叫佢畀我做咗先，我們好熟，唔介意佢嬲同表露自己，由佢嬲」。蔡少芬稱因為大家熟才表露得更清晰，「否則可能已經唔睬大家」。朱茵說彼此對事不對人，沒有隔夜仇，稱再拍港劇可以講廣東話，非常享受，開工時聽到現場廣東話粗口橫飛，分外親切。

鄭希怡嘆無緣拍激情戲

汪明荃（阿姐）相隔9年再拍劇，承認初期有點緊張，開工後相當順利，成班演員似一家人。鄭希怡劇中角色輩分高，與汪明荃演親生姊妹，又是林愷鈴姨婆。她笑言可能輩分太高，原本有些激情戲，後來刪了，大感可惜，沒機會突破。鄭希怡首次跟汪明荃合作，覺得對方氣場勁，「阿姐相當專業，開工時從未見過她疲倦」。

林愷鈴劇中角色外表清純，內裏狂野，最深刻有場戲指住鄭希怡鬧。林愷鈴媽媽龔慈恩敗給王敏奕，失落無綫最佳女配角，林愷鈴說母親看得開，「媽媽沒有不開心，她經常說現在最大使命是提攜後輩，她超級喜歡王敏奕，替對方攞獎開心，反而我有少少唔開心，因為想媽媽得獎」。

■更多娛樂猛料 ﹕ol.mingpao.com

上 / 下一篇新聞