鍾鎮濤拒談前妻悔嫁言論 稱多家公司邀女兒鍾懿簽約 – 20260117 – 娛樂

記者：林祖傑

與冼靖峰、周吉佩、張與辰、倪樂琳、蕭凱恩等為《慈善星輝仁濟夜》綵排的鍾鎮濤，被問到前妻章小蕙的訪問內容，一臉無奈表示：「唔講了，有機會先再講啦，已30年前的事。（不想再提？）咁多年我都冇講，真係唔想講，唔係驚影響小朋友，而係咁多年前點解要𠵱家講呢？但我唔提，唔表示第二個唔提。」他稱沒看過該訪問，亦都不想睇，「因為一睇就會成日彈出來，唔睇！」

談到與太太范姜的女兒鍾懿，鍾鎮濤滔滔不絕，稱鍾懿早前在其新加坡演唱會頂替和音員的位置，他說原本的和音員因肺積水臨時唱不到，他事前亦不知鍾懿會上台唱，以為是預先錄音，「她現在真的幫得手，以前是我帶她上台玩吓，為我換衫攝時間，現在她已孭得起，觀眾也開始鍾意看她」。他透露有很多公司及經理人都想簽鍾懿，他亦都想有人幫手照顧，但女兒仍在北京電影學院修讀導演研究生，還是慢慢考慮。

稱曾志偉擬投資抗衰老中心

早前他跟太太范姜在北京投資的抗衰老中心舉行簽約儀式，多名圈中好友出席支持，他笑道：「講吓啲開心嘢好過啦！一味講啲八卦嘢，嘥氣。抗衰老最緊要自己心情好，唔好畀啲不開心的事影響自己心情，如果打到埋嚟就冇辦法，兵來將擋囉。」鍾鎮濤表示好友曾志偉亦有到場，圈中很多好友都是他的客人，「志偉話想投資，想在另一地方開一間」。他表示志偉卸任無綫總經理後，可以多找對方去玩。

香港明星足球隊日前赴雲南出席慶功宴，有美女熱情互動，問鍾鎮濤為何不隨志偉去玩？他笑言：「咁咪好囉，最緊要朋友開心啫！我都啱玩嘅，不過是自己啲女。（太太會否禁止他跟志偉去玩？）無所謂，見識下嘛！不過他回來我們便會相約聚會，他辭職時已經在群組發消息通知我們，以前有幾次約他出埠，他也因工作要取消行程。」

倪樂琳計劃當歌手

倪樂琳獲安排在節目上表演音樂劇，她稱雖然曾組舞團，但從小對唱歌十分有興趣，最近還學習聲樂增值自己，亦和公司傾過有機會想試當歌手，「本身諗住未出道就收山，因為已25歲，覺得記舞步好難，如果公司叫我出山，我就會聽從安排，無機會就收山啦！其實我的兒時夢想是參加選秀節目，偶像是韓國女團Blackpink成員Jennie，可能參加10多輯後的《中年好聲音》，到時應該已磨利把劍」。