被指身家17億賺利息「躺平」鄧兆尊認有兩「億」：失憶回憶 – 20260121 – 娛樂

娛樂

2026年1月21日星期三

prevnext

【明報專訊】新馬司曾（鄧永祥）1997年離世，近日有內地網紅稱鄧永祥的兒子鄧兆尊當年獲15億元身家，他「躺平」以遺產收利息至今，滾存達17億元，封他為最成功富二代。鄧兆尊前晚跟吳家樂主持網上節目《娛樂好好玩》，回應17億身家傳聞，「成日話我有17億，邊個搵到出嚟，我同佢平分，1億我都未見過呀」。吳家樂笑斥鄧兆尊講這句話就知他講大話，1億對他而言是「散紙」。

鄧兆尊表示就傳聞有15億元本金，照計有兩億利息也合理，不過銀行利息有高低，要看如何投資，要是買基金已「瀨嘢」，買「磚頭」一樣跌價。他笑說：「我只有兩個『億』，就是失憶與回憶，這些傳聞當笑話好了。」吳家樂讚鄧兆尊性格貼地，鄧兆尊自言有時也會去試車、睇樓，但不會買，「我個妹以前都會要我一齊去睇三四百萬的車，試完但無買，主要是有沒有必要買？」他稱有關身家傳聞被高估，內地有些網紅是標題黨，令他無故成熱搜，只怕有人信以為真向他落手標參就慘。

娛樂組