free hit counter script

【冬季流感】已踏入流感高峰 防護中心:即使流感症狀輕微亦不應上班上學

22

now.com 財經·

【名家給力場】本港幾時可以擺脫財赤?

【Now財經台】財政司司長陳茂波將於2月28日發表新一份《財政預算案》,佢早前已發咗預警,指下個財政年度或繼續錄得財赤,但指政府有信心用幾年時間就可以回復收支平衡,到底本港財政狀況係咪可以喺幾年內扭虧為盈? 思博資本高級合夥人張宗永指,唔係完全冇機會,但要謹慎看待呢個問題,本港出現財赤主要有兩個原因,首先係同中國經濟有關,內地經濟表現唔好對香港有好大影響,亦唔係香港可以影響到,因為中國經濟有自己嘅循環及調整,其次係地產有關,本港地產市道好受利率因素影響,市場預期,美國利息已見頂,聯儲局喺2024年有機會減息,地產市道喺低息環境下會有返少少生氣,到時賣地收入都應該有改善。至於政府發債短期係咪可以紓緩本港財政壓力?張宗永指,相對於其他地區,香港依家嘅環境已經唔錯,發債仍有一定吸引力,政府呢幾年力谷零售債券市場,希望將部分藏富於民嘅財富能支持本港債務,但發債嘅先決條件係要維持健康嘅財政狀況。

Comments are closed.