立法會換屆選舉將會喺12月7日舉行，提名期喺11月6日結束。多名政府官員連日落力宣傳，其中房屋局長何永賢今日（2日）喺Facebook分享咗條「選舉小劇場」卡通短片，吉祥物「票箱家族」粉墨登場，仲話會同房屋局嘅「幸福家族」一齊出動，去到唔同屋邨宣傳，鼓勵居民踴躍投入選舉。
影片由一班房屋局人員包辦配音。開頭一班幸福家族成員開緊會，之後票箱家族嘅3位成員紅小寶、藍小寶、同白爺爺出場，似乎分別由何永賢同副局長戴尚誠配音。影片最後，局長同副局真人亦有現身，齊齊呼籲市民要喺12月7日投票。
不同司局長都努力谷選舉推票。律政司長林定國喺社交媒體上載短片，介紹下亞厘畢道嘅律政山新佈置，指無論係閘門、大廈外牆、大堂、升降機、走廊、會議室外等，到處可見立法會換屆選舉橫額與海報，並提醒律政中心人員同路經嘅市民12月7日去投票。
民青局就組織了多個青年團體及地區「三會」，全港18區開設街站接觸選民，民青局長麥美娟及副局長梁宏正，多區街站派傳單，呼籲青年朋友和市民投票。
環境及生態局長謝展寰就喺國際環保博覽，與多位部門首長同高級同事，一同呼籲公務員同事及參展者於12月7日踴躍投票。
相關字詞﹕立法會選舉 何永賢 編輯推介
Comments are closed, but trackbacks and pingbacks are open.