大埔宏福苑五級火造成逾百人傷亡，今日（2日）是遇難者「頭七」。蘇生與太太連續一周幾乎每日到大埔廣福社區會堂辨認遺體照片，嘗試尋找失聯父母下落，二人今日終看到一張在父母單位拍攝的相片，惟相中只剩下部分骨頭組織及灰，需待驗DNA才能確認身分。蘇生及蘇太憶述看見的相片時相擁痛哭， 「警方話係組織…有部分已經變咗灰…但就睇到兩個（父母）疑似相擁住…兩邊盆骨位置…呢個係我幻想，因為佢哋好恩愛，應該唔會分開。所以佢哋…佢哋應該係相擁一齊（離開）。」
蘇生蘇太住在唯一無被火災波及的宏志閣，蘇生80多歲的父母則住在最先起火的宏昌閣高層。蘇生憶述，事發當日上班途中收到媽媽致電，說家中「好大煙，著火」，他公司僅距離家10分鐘步程，於是他匆忙趕回家，途中一直與媽媽保持通話，但回到宏昌閣樓下時已見到火勢十分猛烈。
最後通話泣不成聲
蘇生回想與媽媽最後通話，泣不成聲，「佢（媽媽）話會走出去，依家落樓。之後我只聽到話今次死啦！跟住就無咗聲…個電話聲一直無斷到，只聽到一啲嘈雜聲，我不停叫：媽咪！媽咪！但佢都無應到…我唔知做到乜嘢…好無助！」
蘇生最後先回到宏志閣，救蘇太和貓貓離開，但其後二人只能離遠親眼看著宏昌閣陷入火海、捧著電話呼叫兩老，直至一刻信號戛然而止。蘇太哽咽道，聽著電話中老爺奶奶最後一句說話，二人其實第一日已心裏有數，知道大事不妙，至今日看到相片，令她十分心痛，「我都有啲內疚，我哋救唔到爹哋媽咪，淨係得我同貓貓」。
[影片連結]
相關字詞﹕大埔宏福苑五級火 編輯推介
Comments are closed, but trackbacks and pingbacks are open.