free hit counter script

vivo 中階、旗艦劈價清貨,最平千五蚊有找!二千頭平玩蔡司認證相機,抵玩?

19

目前 Android 陣型,除咗三星、Sony、ASUS (雖然有啲人都當佢係大陸機,但無可否認佢仍然係台灣品牌),基本上都被中國品牌壟斷,其中小米、Honor 應該係現時比較多人會考慮嘅大陸機選擇,其次就有步步高集團旗下品牌,包括 vivo、OPPO、OnePlus,呢三個品牌之中,唔知大家比較鍾意邊個多啲呢?唔理你鍾意邊個品牌,有時價錢先係決定你買唔買呢部手機嘅因素,最近留意到 vivo 中階、旗艦系列手機網店劈價清貨,最平千五蚊有找,而蔡司鏡頭手機都只需二千頭,你又覺得係唔係抵玩呢?想知詳情,睇下文啦!

內文.jpg

vivo 中階手機最平千五蚊有找,有 50MP 自拍鏡頭

今次清貨嘅地方係 csl eShop 網店,喺佢哋嘅「清貨專區」入面,可以見到有好幾部 vivo 手機劈價清貨,其中包括中階系列嘅 V25 5G 以及 V25 Pro 5G,兩部手機分別由建議零售價嘅 $3398 以及 $4298,劈價至 $1448 以及 $1828,呢兩部手機雖然係 2022 年 9 月香港上市嘅產物,都推出咗有 1 年半,但佢賣點係有 5000 萬像素自動眼球追焦自拍鏡頭,同埋有夜間景深人像拍攝功能,喺影相方面相信仍然比現時大部分差不多價位嘅入門手機好,特別對於鍾意自拍嘅網友嚟講,都係一個可以考慮嘅選擇。

按呢度有 vivo V25 5G 詳細規格
按呢度有 vivo V25 Pro 5G 詳細規格

螢幕截圖 2024-04-02 下午3.47.06.png

二千頭平玩蔡司認證鏡頭手機

除咗中階系列嘅 V25 5G 同埋 V25 Pro 5G 之外,今次清貨嘅仲有旗艦系列嘅 X70 5G、X80 5G 以及 X80 Pro 5G,三部手機由建議零售價嘅 $4998、$6698 以及 $8998,分別減價至 $2128、$5099 以及 $6099,其中或者以 X70 5G 最有睇頭,vivo 相機最大賣點係乜?咪就係佢有蔡司認證!而家二千頭就可以平玩蔡司認證相機,網友又覺得諗唔諗得過呢?

按呢度有 vivo X70 5G 詳細規格
按呢度有 vivo X80 5G 詳細規格
按呢度有 vivo X80 Pro 5G 詳細規格

螢幕截圖 2024-04-02 下午3.47.16.png

最後,按呢度有 csl 「清貨專區」傳送門!

Leave A Reply

Your email address will not be published.