web counter

Game 迷超期待!ASUS ROG Tessen 手掣香港終於有!買 ROG Phone 8 即送 有 5 大必買賣點-ePrice.HK

Game 迷超期待!ASUS ROG Tessen 手掣香港終於有!買 ROG Phone 8 即送 有 5 大必買賣點-ePrice.HK
0
作為 Game 迷,無可能錯過玩 ASUS ROG Phone 系列!因為佢係市面唯一配套最完善,最多真係針對打機而設嘅配件,所以曾幾何時有其他品牌想分一杯羮,但最後都完敗收場,講到真正電競手機,ROG Phone 系列敢認第二,無品牌敢認第一。今年推出 ROG Phone 8 系列,已經無出 GamePad,所以當 ASUS 發表專為手機而設嘅遊戲手掣 ROG Tessen,好多 Game 迷都好期待,成日問:台灣都出咗啦,香港幾時有呀?唔使問喇!ASUS 香港終於推出 ROG Phone 8 系列 x ROG Tessen 組合優惠,想知點先買到,睇下文啦!

內文.jpg

限時購買 ASUS ROG Phone 8 系列送 ROG Tessen 遊戲手掣

踏入 7 月,由即日起至 2024 年 7 月 21 日,只要 Game 迷購買任何型號嘅 ROG Phone 8 系列,包括 ROG Phone 8 (16GB / 256GB) 以及 ROG Phone 8 Pro (16GB / 512GB),即可獲贈 ROG Tessen 手遊控制器 (價值 $999)。作為參考,根據目前最新官方賣價,以上兩款型號賣價分別為 $8298 以及 $9298。

螢幕截圖 2024-07-01 下午8.07.53.png

ASUS ROG Phone 8 系列硬件規格 + 遊戲 AI 功能

同大家重溫一下 ASUS ROG Phone 8 以及 ROG Phone 8 Pro 硬件規格。其實整個 ROG Phone 8 系列,基本上最主要分別在於 RAM、ROM 的不同,其他硬件基本上無乜分別。

ROG Phone 8 系列均採用咗 6.78 吋 AMOLED 屏幕,解像度為 2400 x 1080,支持 1-165Hz 可變刷新率,峰值亮度為 2500 nits,並以 Gorilla Glass Victus 2 強化玻璃覆蓋,相當堅固耐用,同時手機配備 Qualcomm Snapdragon 8 Gen 3 3.3GHz 處理器,內置 LPDDR5X RAM 以及 UFS 4.0 ROM,電池容量為 5500mAh,並支持 ASUS 65W HyperCharge 快速充電以及 15W Qi 1.3 標準無線充電。

相機方面,ROG Phone 8 系列用上咗 5000 萬像素廣角鏡頭、3200 萬像素長焦鏡頭以及 1300 萬像素超廣角鏡頭,其中廣角鏡頭用上第三代六軸防震技術,支持 2 倍無損變焦,而長焦鏡頭則支持 3 倍光學變焦、5 倍無損變焦、10 倍高清變焦以及最高 30 倍數碼變焦。前置鏡頭則為 3200 萬像素。

另外,ROG Phone 8 系列有一系列專為 Game 迷而設嘅功能,除咗有 AirTrigger 提供拍得住遊戲搖桿嘅操控體驗,並支持多種操作 (如按下觸發雙操作、按下 / 抬起分別觸發及體感方向鍵),同時亦有一些專為 Game 迷打造嘅軟體功能,例如遊戲智能提示 2.0,運用 AI 技術偵測遊戲中重要事件,同時亦有「精華智慧錄影」、「隱形掛機模式」等功能,也能幫助用家遊戲時的體驗。

按呢度有 ASUS ROG Phone 8 詳細規格及最新賣價
按呢度有 ASUS ROG Phone 8 Pro 詳細規格及最新賣價

WhatsApp Image 2024-06-29 at 18.02.17.jpeg

ASUS ROG Tessen 有乜特點?

點解 ROG Tessen 咁受歡迎,Game 迷會咁關注佢?一嚟今年 ROG Phone 8 系列無推出 GamePad,難得有款新嘅遊戲手掣推出,作為機迷當然會心郁郁。而且 ROG Tessen 係一款可以翻轉你遊戲體驗嘅遊戲手掣,包括咗以下特點:001: 獨特可摺疊設計 + 免拆殻 + 會發光
相比起市面上好多嘅遊戲手掣,ROG Tessen 其中一個特色,係可以摺疊,方便用家輕鬆放入袋中或者褲袋入面,並且可以牢固橫向固定手機,同時保護 Type C 連接器免受傷害。而使用 Type C 插槽配合橡膠支撐墊設計,只要你手機殻嘅厚度唔超過 7-14.5mm,就可以唔使拆卸手機殻,就可以隨插即玩。同時,手掣支持 Aura RGB 燈效,令到成件事更加有電競 Feel!
 
002: 支持鋁合金背後按鍵
作為 Game 迷,愈多快捷鍵可以畀你選擇,玩起遊戲上嚟就可以更得心應手,Game 迷可以即時喺遊戲中,或者喺 Armoury Crate 應用程式中進行編程,按鍵就可以幫你輕鬆執行複雜嘅遊戲指令。小編平時鍾意玩 PUBG Mobile,我就試過設定咗手把一系列嘅操控,發覺用佢個背後按鍵,用嚟換槍,用 L1 R1 掣,作為瞄準同射擊,可以幫助到遊戲時手感更好。當然啦,記得玩 PUBG Mobile 要開啟陀螺儀,可以更有效幫你準確瞄準。

WhatsApp Image 2024-06-29 at 18.23.54.jpeg

WhatsApp Image 2024-07-02 at 17.55.10.jpeg
▲ 如果你係用 ROG Phone 手機,只要喺左上角或者右上角向中間位置一滑,就可以打開遊戲精神,入面有個「手把設定」,可以設定你每個實體按鍵對應邊個位置。

IMG_5385.JPG
▲ 就好似咁樣,可以設定左搖桿用來移動角色。

003: 支持 18W 快速充電
唔單止手機需要快速充電,就算係遊戲手掣,都係需要有快速充電。點解?因為當你打機嘅時候,耗電一定會更多,所以如果你插住火牛,一邊叉住電,一邊打機,就可以確保遊戲嘅時候,維持充足電量。004: 遊戲主機級別的控制 + 專屬機械按鍵
ROG Tessen 嘅右搖桿有 18mm 高,支持 22° 移動範圍,提供更精確的控制,而我如果用嚟玩 PUBG Mobile 嘅話,我會選擇用右搖桿,去作為調整視角 / 切換方向嘅用途,例如我可以設定 L1 鍵開鏡,右搖桿用嚟瞄準,又或者可以喺跑緊嘅過程中,將右搖桿用作調整視角用途,以留意四周的環境;同時,人體工學的握柄具備向外延伸嘅設計,可以確保 Game 迷長時間遊戲過程中保持舒適。

另外,作為一部專業嘅遊戲手掣,除咗要有搖桿之外,專屬嘅動力按鍵以及十字鍵,都好重要,而 ROG Tessen 嘅機械按鍵,可以確保快速響應、清晰嘅觸感回饋以及持久嘅性能。
 

WhatsApp Image 2024-07-02 at 17.53.55.jpeg
▲ 我比較鍾意 L1 開鏡,然後用右搖桿嚟瞄準敵人。005: 可自定義軟體和 ROG 按鍵
還有一點,就係 Game 迷只要通過 Armoury Crate,就可以進行更多嘅自定義功能,例如重新對應按鍵、調整燈光以及客製化 ROG 按鍵,可以滿足不同 Game 迷嘅遊戲需要。

WhatsApp Image 2024-06-29 at 17.47.24 (1).jpeg

ROG Tessen 試用總結

小編試用完 ROG Tessen,覺得這款遊戲手掣都有唔少好處,除咗可摺疊設計可以拎出街時相當輕便,而且相對於 Air Trigger,擁有實體鍵會更直接,令遊戲體驗更加爽,尤其是玩賽車 Game,而比起市場上好多遊戲手掣,ROG Tessen 基本上唔使換手機殻都可以用到,相比起以前要先裝個獨特嘅手機殻,再裝手掣,輕便 + 實用性都大大增強!再加上佢背面仲有按鍵,可以喺 App 入面設定更多嘅操作,令遊戲時嘅操控性大大提高。總括而言,我認為如果你係手遊玩家,希望有埋配件將遊戲體驗再進一步昇華,一定要襯今次優惠入手 ROG Phone 8 系列!

資料由客戶提供

Leave A Reply

Your email address will not be published.