挑機 HONOR X9c！小米推出超硬淨手機 Redmi Note 14！1 月 10 率先開賣-ePrice.HK

左定坤 (Cho Ting Kwan) 2025-01-03 20:30 | 小米

講到手機夠硬淨、耐用嘅手機，相信大家第一時間就諗起 HONOR 推出嘅 X9c，其實上一代 X9b 已經好勁，開核桃、劈木板、擋子彈，完全唔係問題，而今代甚至更加強咗佢個耐用程度。本來 Sell 硬淨耐用嘅手機，市場上對手無乜，但小米今日就宣佈會推出 Redmi Note 14 系列手機，而呢部手機將會喺 1 月 10 日開賣。想知詳情，睇下文啦！

挑機 HONOR X9c 鬥硬淨！小米 Redmi Note 14 系列預訂

小米宣佈推出 Redmi Note 14 系列智能手機，將會在 1 月 10 日晚上 8 時在官網 mi.com 直播及率先發售，只要到官網預約搶先買機，就可以領新機 $50 現金券，並且可以享有免費使用 Spotify Premium 3 個月、免費試用 YouTube Premium 2 個月，以及包 2 年保養以及免費碎屏保障。不過實際價錢幾錢，小米就尚未有公佈，要等下星期正式發表，版主先可以同大家揭曉。

而新一代 Redmi Note 14 系列有乜嘢特色功能？根據網站介紹，佢唔單止有 2 億像素 AI 鏡頭，而且可以透過 AI 魔法消除，移除相片中的物件、障礙物，同時佢亦有一鍵美化成像功能。而佢亦係 HONOR X9c 的一個對手，小米形容佢係「小金剛耐用品質」，小金剛防護結構唔單止提升咗手機嘅耐摔性，而且仲可以確保能夠承受意外跌撞，並支持 IP68 防塵防水、具有星級品質康寧大猩猩 Victus 2 玻璃，相當耐用。