小米將推出 165W 大功率輸出尿袋！另支持 90W 充電速度，15 分鐘可叉到 75%-ePrice.HK

小米連同 Redmi Note 14 系列推出 165W 全新尿袋

小米最近在 Facebook 專頁發出帖文，其專頁小編表示將會在 1 月 10 日連同 Redmi Note 14 系列，一同發表全新的尿袋，不單止自帶線，而且輸出功率高達 165W，有雙輸出，一個 120W，一個 45W。而呢隻尿袋最正的地方，係佢叉自己都有快速充電，支持 90W 嘅充電速度，只需 15 分鐘就可以叉到 75%，市面上比較少尿袋係可以叉自己都同樣咁快，呢點係幾抵讚。

不過，充電速度快，但都有犠牲，電量並沒有很多，只有 10000mAh，版主之前試過用 Momax 嘅 25000mAh 尿袋，支持 65W 輸出，叉 MacBook Pro 唔夠一個鐘已經用盡，而且電腦都未叉得滿電，估計如果用到呢隻 10000mAh 電尿袋，叉到 50% 吊命，已經算係極限。雖然如此，我個人對呢款尿袋相當感興趣，雖然暫時未知價錢，但我相信我都會買隻。唔知網友又點睇呢？

最新新聞