連日本城都推自家 SIM 卡！$35 起，支持日韓台等熱門地區 5G/4G 漫遊數據-ePrice.HK

連日本城都推自家旅遊儲值卡！？

根據 JHC 日本城的 Facebook 專頁顯示，佢哋全新推出咗「JHC 5G/4G 高速上網數據卡」，而且最近仲推出咗限量網店獨家快閃優惠，低至 $35 起就可以買到旅遊 SIM。不過當然都係要睇地區，最平 $35 嗰張係講緊內地 / 澳門 3 日 3GB 嘅 4G 高速上網卡，用嘅係中國電信嘅網絡，用完高速數據之後就會限速至 128kbps。在文章撰寫時呢張卡喺網店尚餘 13 張，並會喺 4 月 28 至 30 日陸續到店，每人限購 5 張。

除咗 4G 高速上網卡之外，佢哋亦有推出 5G 數據卡，例如台灣就有 3 日 5GB 嘅 5G 高速數據卡，用中華電信網絡。

目前日本城有推出嘅數據卡，涵蓋咗日本、韓國、中國內地、澳門、台灣、泰國、新加坡、馬來西亞、越南、印尼、菲律賓，除咗有 24 小時真人客服支援，而且喺觀塘亦有專屬客服中心，最重要係全港超過 200 間日本城可以輕鬆購買，就算出發之前唔記得買最重要嘅數據卡，都可以喺日本城買到，到埗免登記即插即用。不過到底係咪真好用，就要等網友親身實測一下了！

按這裡有購買連結

最新新聞