大舖一出即減！千元價位平玩 Glyph 燈效 + 獨特設計｜支持 5000 大電 + 50MP 相機-ePrice.HK

$1799 買到嘅獨特設計與體驗

說的是豐澤網店，留意到佢哋一出已經將 Nothing Phone (3a) Lite 「特價」，由建議零售價嘅 $1999 減至 $1799，即係一出即減 $200。Phone (3a) Lite 延續咗品牌標誌性嘅透明美學，機背用玻璃包覆，可以望到內部嘅結構細節，而且備有黑、白兩種經典顏色，手感同外觀喺同價位手機中確實別樹一幟。

另一個招牌功能 Glyph 燈光介面 亦得以保留，雖然比起旗艦型號有所簡化，但實用功能一樣齊全。例如「翻轉靜音」可以將手機反轉就自動靜音，「重要聯絡人提示」可以為指定朋友設定專屬燈光，仲有影合照時非常好用嘅「相機倒數燈」，玩味十足。機身同時具備 IP54 防塵防水，日常使用多一重安心。

Phone (3a) Lite 硬件規格

硬件配置上，Phone (3a) Lite 喺親民價位中做出咗不錯嘅平衡。最突出係佢配備咗一塊 6.77 吋嘅柔性 AMOLED 屏幕，支援 120Hz 自適應刷新率，峰值亮度更達到 3000 nits。呢個屏幕規格對於睇片、打機或者日常瀏覽，體驗都會相當不錯，尤其喺戶外高光環境下都睇得清楚。

性能方面，佢配備咗 MediaTek Dimensity 7300 Pro 處理器，配以 8GB RAM 和 256GB 內置儲存空間，並支援用 microSD 卡擴充。電池容量為 5000mAh，支援 33W 有線快充。呢個組合對於一般社交、影相、文書處理同主流手遊都足夠流暢，但如果你係追求極致性能同幀率嘅重度遊戲玩家，就可能要留意佢同頂級旗艦嘅差距。

影相系統由 5000 萬像素主鏡頭，搭配超廣角同微距鏡頭組成三攝。其賣點在於軟件演算法，繼承咗旗艦機款嘅 TrueLens Engine 4.0 影像處理技術，官方稱其主鏡頭吸光量比同級產品多64%，並提供多種 AI 拍攝模式。

軟件係 Nothing 另一大優勢，Phone (3a) Lite 預載基於 Android 15 嘅 Nothing OS 3.5，介面簡潔，而且品牌承諾提供 3 年作業系統大更新 同長達 6 年嘅安全性更新。呢個長期支援承諾，相比很多同價位手機都更為進取，讓手機可以用得更安心長久。

最新新聞