旗艦處理器殺入中價戰場！OnePlus Ace 6T 到港，二千幾蚊玩盡 S8 Gen 5？-ePrice.HK

可能係史上最平 S8 Gen 5 手機？

今次 OnePlus Ace 6T 之所以引起轟動，定價策略係關鍵。根據內地官方信息，新機嘅正式起售價為人民幣 2399 元，換算成港幣大約 $2780 左右，正正符合店家「二千幾蚊」嘅宣傳。呢個價錢，對比起其他動輒四、五千元甚至更貴嘅 S8 Gen 5 旗艦機，吸引力確係巨大。

據本地商鋪報價，首批到港嘅 Ace 6T 提供多個容量版本，包括 12GB+256GB、16GB+256GB、12GB+512GB 等。店家表示標題所講嘅「$2780起」正對應最入門嘅 12+256 版本，至於其他更高配置嘅版本，價錢就會有所上浮，需要即時查詢，不過佢都畀咗個參考價錢我：
 

S8 Gen 5 加持

講到性能，Ace 6T 可謂落足重本。佢全球首發嘅 Qualcomm 第五代 Snapdragon 8（S8 Gen5） 處理器，採用先進嘅 3nm 製程工藝，CPU 性能相比上代提升達 36%，而能效提升更顯著，達到 42%。簡單嚟講，即係又快又慳電。

為咗徹底釋放晶片潛力，OnePlus 將自研嘅 「風馳遊戲內核」直接寫入晶片底層。配合專為遊戲優化嘅「電競三芯」系統（包括風馳遊戲內核、電競網絡芯 G2 同靈犀觸控芯），令手機喺運行《和平精英》、《三角洲行動》等大作時，可以實現原生 165Hz 超高幀率模式，畫面流暢度遠超普通 120Hz 機型。有內地媒體實測，玩《和平精英》165幀模式半小時，平均幀率可以穩定喺 164 幀，表現相當強悍。

屏幕與續航：165Hz 電競屏配 8300mAh 怪獸級電池

Ace 6T 唔單止芯片勁，屏幕同續航同樣係旗艦級規格。手機配備一塊 6.83 吋的 165Hz 超高刷新率AMOLED直屏，峰值亮度高達 3600nit，無論係打機定睇片，視覺體驗都相當沉浸。而且屏幕支持旗艦機先有嘅 3D 超聲波屏下指紋，解鎖速度同準確度都比普通光學指紋好。

續航方面更係 Ace 6T 嘅一大殺手鐧。佢內置咗驚人嘅 8300mAh 超大容量電池，係目前市場上電池容量最大嘅手機之一。根據官方測試，即使進行長達 8小時重度使用，電量依然可以剩餘 62%。搭配 100W超級閃充，可以快速回血，有效緩解電量焦慮。

作為一部全能機，Ace 6T 喺其他方面亦冇偷工減料。機身支持 IP66、IP68、IP69、IP69K 滿級防塵防水，日常使用更放心。影像系統則採用 5000萬像素索尼IMX906主攝，支持 OIS 光學防抖，足以應付日常拍攝需求。

報價查詢：國恆商城GMall