網店新年優惠！教你 $4798 入手三星 S25 旗艦大法，仲有其他三星平板、耳機優惠-ePrice.HK

左定坤 (Cho Ting Kwan) 2026-01-08 14:16 | Samsung

講到買手機、平板呢類電子產品，大家諗到嘅通常都係電器舖、網絡商或者官網直接自己搞優惠。不過最近版主就發現，有間煤氣公司網店都搞緊 Samsung 新年優惠！佢哋個網店平台，唔止交煤氣費可以儲分，仲可以用嚟加錢換購最新嘅 Samsung 產品，好似旗艦機 Galaxy S25、平板 Tab S10 Lite 咁，全部都有份。其中 Galaxy S25 只需 $4798 就買到，又係唔係抵玩？睇下文啦！

煤氣用戶專享？「好氣Fun」平台新年換購詳情

今次嘅優惠喺「好氣Fun」網上換購平台進行，話就話係新年優惠，但其實佢係一個長期嘅積分獎賞計劃嚟。佢哋列出咗幾款 Samsung 熱門產品，但唔係直接減價，而係要用會員積分再加一筆現金先換購到。

例如最矚目嘅 Galaxy S25 (12+256GB)，就需要 1,100分 + $4,798；而部 Galaxy Tab S10 Lite 平板 (Wi-Fi, 6+128GB) 就要 800分 + $1,999，跟機仲會送一個 ITFIT 保護套同 45W 充電器。另外仲有 Galaxy Watch8 (40mm) 同 Galaxy Buds3 FE 耳機可以換，部分都有贈品跟，好似織布錶帶或者藍牙卡拉 OK 喇叭套裝咁，幾有新年送禮氣氛。

關鍵在於「分」點先有?

見到要分，可能好多人已經想打退堂鼓。但其實個平台嘅入場門檻唔算高。首先，只要用手機號碼就可以免費成為「好氣Fun」會員，新會員一登記就有 500 迎新積分。如果你屋企本身係用煤氣嘅，仲可以連結煤氣賬戶開通「家庭賬戶」，即時再額外多攞 2,000 分！換句話講，一個新登記嘅煤氣住戶，咩都未買就已經有 2,500分落袋，已經夠換對 Buds3 FE 耳機有餘。之後每個月交煤氣費，或者幫襯佢哋買爐具，都可以繼續儲分。

按這裡立即換購