紅米再出千元王牌！Redmi 15C 港行開賣，千元有找 6.9 吋 120Hz 巨屏 + 6000mAh 大電-ePrice.HK

小米 Redmi 15C 正式登陸香港，建議零售價為 $1,099，但係一如以往「出招」手法，一開賣就做推廣特價，實際入手價只需 $999，千元有找，呢個價錢相信有好大的吸引力。

G81-Ultra 處理器 + 6.9″ 120Hz 巨屏

作為紅米 C 系列嘅新一代，Redmi 15C 嘅定位非常清晰，就係「極致入門」。Redmi 15C 搭載嘅係 MediaTek Helio G81-Ultra 八核處理器，而並非其他型號。儲存組合為 8GB RAM + 256GB ROM，並支援記憶體擴展技術，可將部分儲存空間轉為 RAM 使用，最高可擴至等效 16GB RAM，亦支援最高 1TB 的 microSD 卡擴充。

最大亮點絕對係屏幕。佰配備一塊 6.9 吋 的「Dot Drop」巨屏，解像度為 HD+ (1600 x 720)，但支援最高 120Hz 刷新率 與 240Hz 觸控採樣率。官方數據顯示典型亮度為 660 nits，並獲得多項 TÜV Rheinland 護眼認證。以千元機來講，提供 120Hz 大屏幕確實少見。

續航與實用功能：6000mAh電池 + 齊全接口

續航力係另一大賣點。手機內置 6000mAh（典型值）超大容量電池，並支援 33W 有線快充，理論上續航力非常誇張。機身雖然大，但厚度控制喺 7.99mm，重量為 205g。
實用功能方面相當齊全，包括 3.5mm 耳機孔、側面指紋識別、NFC（視市場而定）以及 IP64 級別防塵防濺水。連接性方面具備 藍牙 5.4 及支援 LDAC 高清音頻編碼，網絡支援雙 SIM 卡。

相機與系統：務實配置滿足基本所需

影像系統採用務實配置：後置主鏡頭為 5000 萬像素，搭配一個景深輔助鏡頭；前置自拍鏡頭則為 800 萬像素。前後鏡頭均支援人像模式、夜景模式等基本功能，影片錄製最高支援 1080p @ 30fps。手機運行 小米澎湃 OS 2 系統，包裝內附 33W 充電器及保護殼。

最後想問一問大家，$999 買 6.9 吋 120Hz 大屏和 6000mAh 電量的手機，對你來說是「睇片神器」的完美組合，還是「大而無當」？你會為家人選購這部「大電量巨屏」手機嗎？

最新新聞