葡萄牙敗走愛爾蘭未鎖出線 Ｃ朗國際賽首領紅
【明報專訊】世界盃歐洲區外圍賽進入最後直路，F組的葡萄牙隊昨以0：2敗走愛爾蘭隊未能提早出線，更有球星基斯坦奴朗拿度（C朗）首在國際賽領紅，下仗迎亞美尼亞隊需停賽，若出線更可能在決賽周「坐波監」。法國隊則在D組於主場以4：0大勝烏克蘭隊，提早一輪出線。
法國提早出線 意軍勢轉戰附加賽
葡軍是役只要贏波即可提早一輪出線明年世盃決賽周，但卻被愛爾蘭隊上半場兩破大門落後兩球。易邊後61分鐘C朗向敵將達拉奧沙開肘，球證最初向他出示黃牌，但經VAR覆核後改拔紅牌，這亦是C朗在226場國際賽以來首次被逐，其後10人應戰的葡軍以0：2敗走。形勢上，葡軍只要明晚擊敗作客的亞美尼亞隊即可出線，但如C朗最終被罰停賽兩場或以上，這名40歲葡軍隊長將在決賽周早段續「坐波監」。
D組方面，法國隊藉基利安麥巴比起孖下以4：0擊敗客軍烏克蘭，提早一輪殺入決賽周；至於I組榜首雙雄挪威隊及意大利隊分別擊敗愛沙尼亞隊及摩爾多瓦隊後，令兩軍對陣前維持3分距離，但意軍得失球大幅落後，末輪迎挪威要淨勝9球或以上始能壓過對手直接出線。另4戰1分的瑞典隊明晨在新帥樸達領軍下於B組作客瑞士隊，至於在C組同得10分的丹麥及蘇格蘭隊在煞科戰交鋒前，將分別迎戰白俄羅斯及作客希臘隊。
非洲區外圍賽次圈方面，喀麥隆隊以0：1不敵剛果民主共和國隊無緣出線，尼日利亞隊則戰至加時後以4：1大勝加蓬隊，剛、尼兩軍將於決賽會師，惟勝方仍要與其他洲份球隊對陣以爭出線資格。
Comments are closed, but trackbacks and pingbacks are open.